MATIUS 15:9 - KITTA' MATANGKASA'

⁹ Tena matu-matunna anynyomba ke'nanga ri Nakke, nasaba' atorang rupatauji napangngajarrang kamma le'ba' angkana iaminjo atorang Kupassareanga.’ ”

MATIUS 15:9 ပူးပေါင်းရင်းမြစ်များ

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

PAMMUJI 73:13

Sia-siaji kujagai katangkassanna atingku; tena matu-matunna kupakabella kalengku battu ri dosaya.

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

KAIMANGNGANG 26:20

Sikontu pakkaresoannu tena ngaseng matu-matunna, nasaba' tena nalangngerang wassele' buttanu siagang tena nala'rappo lamung-lamunnu.

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

MATIUS 15:10

Le'baki anjo Nakio'mi Isa tau jaia nampa Nakana ri ke'nanga, “Pilangngerimi sollanna nupahang!

MARKUS 7:7

Tena matu-matunna ke'nanga anynyomba ri Nakke, Nasaba' atorang rupatau napangngajarrang sangkamma angkana iaminjo pangatorangKu!’

1 KORINTUS 15:2

Punna anna'gala' majarrekko mae ri anjo kupabattua mae ri kau, lanipasalama' mako ri anjo Kabara' Bajika; passangalinna bawang punna tappakko natena pammahannu.

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

1 TIMOTIUS 1:4

Pakaingaki ke'nanga sollanna tena naparhatikangi anjo carita nipare'-pareka siagang carita pattottorang tenaya la'bu'-la'busu'na. Yangasenna anjo kammaya sangnging pa'beseranji naerang, siagang tena napakamajui jama-jamanNa Allata'ala ia akkullea niasseng tete ri katappakkang bawang mae ri Ia.

TITUS 1:14

siagang tenamo natappa' ke'nanga mae ri carita-carita kosonna tu Yahudia yareka paratorang-paratorang napareka taua untu' ansorongbokoi pangngajarang tojenga.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

PAPPICINI' 22:18

Mae ri sikamma tau allangngerekai kana-kana nipau la'bi rioloa lalang ri anne Kittaka, inakke, Yohanes, iaminne kupakaingakkangko: Inai-nai antambai anne kana-kana le'baka nipau la'bi riolo, lanitambai tongi hukkunganNa ri Allata'ala, sangkamma bala niaka nipau lalang ri anne kittaka.

1 SAMUEL 25:21

Anjo wattua sitabangi appikkiri' Daud angkanaya, “Sia-siaji kujagaiang barang-baranna anjo taua ri parang lompoa! Tena manna sike'de' dudu apa-apanna tappela'. Nampa kamma-kamma anne nabalasaki kabajikangku siagang kaja'dallang!