MATIUS 15:6 - KITTA' MATANGKASA'

⁶ anjo tau kammaya tenamo nakkulle nikellai dudu ampakala'biriki tau toana. Jari lanri ada'-ada'na tu riolonu nanubalang parekang kana-kana Napangngajarranga Allata'ala.

MATIUS 15:6 ပူးပေါင်းရင်းမြစ်များ

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

PAMMUJI 119:139

A'barai kamma pepe' larroku lalang ri kalengku lanri nakaluppai musungku ajaranTa.

YEREMIA 8:8

Barani tojengko nukana kalennu cara'de', siagang nuassengi hukkung-hukkungKu! Cinissai antekamma batena anjo hukkung-hukkungKu nipinra ri panrita-panrita agamaya, a'jekkoa pa'mai'na.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

MATIUS 15:5

Mingka nupangngajarrangi ikau ngaseng angkana: punna nia' tau angkana ri tau toana angkanaya, ‘Le'ba'mi kupassidakkang mae ri Allata'ala anjo doe' lakupassareanga ri katte,’

MATIUS 15:7

Munape' ngasengko antu! Annaba sikalimi apa le'baka napau Na'bi Yesaya, ansero kana ngasengko angkanaya:

MARKUS 7:13

Jari, battu ri pangngajarrannu ngaseng tonji, na nupattaenamo kana-kananNa Allata'ala. Jai pole apa sangkammaya anne nugaukang ngaseng.”

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

1 TIMOTIUS 5:16

Mingka punna nia' baine Karisteng nia' bijanna jandamo, musti nabantui anjo jandaya. Takkulleai nabalang parekang sa'genna jama'aka antanggongi. Jari akkullemi jama'aka ambantui janda-janda tena sikalia bija pammanakanna.

1 TIMOTIUS 5:8

Mingka punna nia' tau tena naparakai bija pammanakanna, la'biangampa nabone balla'na tonja, anjo tau kammaya nasassalimi katappakkanna; anjo tau kammaya la'bi kodiangammi natau tenaya natappa'.