MATIUS 15:4 - KITTA' MATANGKASA'

⁴ Nasaba' Nakana Allata'ala, ‘Pakala'biriki anrong-manggenu.’ Siagang, ‘Inai-nai ampakka'-pakkanai anrong-manggena, siratangi nihukkung mate.’

MATIUS 15:4 ပူးပေါင်းရင်းမြစ်များ

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

KALAPPASSANG 21:17

Inai-nai antunrai manggena yareka amma'na musti nihukkung matei.

PANGNGEBARANG 20:20

Tau antunrayai tau toana, lalanynyaki tallasa'na sanrapang lampu matea ri wattu bangngi sassanga.

PANGNGEBARANG 23:22

Mannurukiko ri manggenu; saba' punna tenai, tena nu'jari tau. Punna toamo amma'nu, picinikiangi angkanaya nupakalompoi.

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

KAIMANGNGANG 20:9

Napassareangi Batara anne paratorang-paratorang angkanaya, “Inai-nai antunrai manggena yareka anronna, musti nihukkung matei. Matei lanri salana tonji.

MATIUS 15:3

Appialimi Isa Nakana, “Mingka angngapa nanudakkai todong passuroNa Allata'ala, lanri ero'nu bawang anggaukangi ada'-ada'na tu riolonu?

MATIUS 15:5

Mingka nupangngajarrangi ikau ngaseng angkana: punna nia' tau angkana ri tau toana angkanaya, ‘Le'ba'mi kupassidakkang mae ri Allata'ala anjo doe' lakupassareanga ri katte,’

MATIUS 19:19

pakala'biriki anrong-manggenu; siagang kamaseangi parannu tau sangkamma nukamaseanna batangkalennu.”

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

EFESUS 6:1

Ikau ana'-anaka! Salaku ana'-ana' gurunNa Almasi, parallui nupilangngeri tau toanu, nasaba' iaminjo siratanga nugaukang.

PAOLE 27:16

‘Nitunrai tau tenaya napakala'biriki tau toana siagang nabalang parekangi ke'nanga ta'ronang-ronang tallasa'na.’ ‘Aming!’

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.