MATIUS 15:33 - KITTA' MATANGKASA'

³³ Akkuta'nammi ana'-ana' gurunNa ri Ia angkana, “Kemaeki' akkulle ampanggappangi kanre tau sikammaya anne jaina ri daera bella kammaya anne?”

MATIUS 15:33 ပူးပေါင်းရင်းမြစ်များ

MATIUS 14:15

Ri wattu karuennamo, battumi ana'-ana' gurunNa akkuta'nang ri Ia angkana, “Karuemmi anne, nampa bella anne tampa' nipammantangia. Bajikangang Kisuromi anne tau jaia ammotere', sollanna akkulle ke'nanga ammalli apa-apa lanakanre ri kampong-kamponga.”

MATIUS 15:32

Le'baki anjo Nakio'mi Isa ana'-ana' gurunNa nampa Nakana, “Kukamaseanna anne tau jaia. Tallungallomi angngagangA', natenamo kanrena ke'nanga. Tena nalaKupa'biangi ammotere' ke'nanga punna cipuru', gassingka kodi sallang pakkasia'na ke'nanga ri tangngana aganga!”

MATIUS 15:34

Akkuta'nammi Isa ri ke'nanga angkana, “Siapa mami jaina roti niaka ri kau ngaseng?” Appialimi ke'nanga angkana, “Tuju mami, siagang pirang kayu are juku' ca'di-ca'di.”

MARKUS 6:37

Mingka appialimi Isa Nakana, “Ikau ngasemmo assarei kanre ke'nanga.” Nakanamo ana'-ana' gurunNa, “Jari la'lampaki' mange ampammalliangi roti kira-kira ruambilangngang doe' pera', lanipakanreangi anne tau sikammaya jaina?”

LUKAS 9:13

Mingka appialimi Isa Nakana, “Ikau ngasemmo assarei ke'nanga kanre.” Appialimi ana'-ana' gurunNa Isa angkana, “Limambatuji roti siagang ruang kayuji juku' nia' ri katte. Jari la'lampaki' ammalli kanre untu' tau sikammaya anne jaina?”