MATIUS 15:23 - KITTA' MATANGKASA'

²³ Mingka tena sikali Nappiali Isa ri anjo bainea. Napala'mi ana'-ana' gurunNa sollanna Nasuro anjo tu bainea a'lampa. Nakanamo ke'nanga, “Bapa' Kisuro laloi anjo bainea a'lampa. Amminawanji apparicu ri bokota!”

MATIUS 15:23 ပူးပေါင်းရင်းမြစ်များ

PA'JARIANG 42:7

Ri wattu nacini'na Yusuf anjo sikamma daenna, narupami ke'nanga. Mingka sara-sarai tanaassenga ke'nanga. Kasara'mi bicaranna ri ke'nanga. Akkuta'nangi angkana, “Ikau ngaseng anne tu battu kemaeko?” Appialimi ke'nanga angkana, “Ikambe tubattu ri Kanaan. Battui ikambe untu' ammalli apa lanakanrea ikambe.”

PAMMUJI 28:1

Pammujina Daud. O, Batara, makkioka' mae ri Katte, iKattemi Tumappatojengku, pilangngerimi pakkiokku. Punna tamakkana-kanayaKi' mae ri nakke, sanrapanga' tau naunga ri kali'bong kuburuka.

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

MATIUS 14:15

Ri wattu karuennamo, battumi ana'-ana' gurunNa akkuta'nang ri Ia angkana, “Karuemmi anne, nampa bella anne tampa' nipammantangia. Bajikangang Kisuromi anne tau jaia ammotere', sollanna akkulle ke'nanga ammalli apa-apa lanakanre ri kampong-kamponga.”

MATIUS 15:22

Nia'mo sitau baine tu Kanaan niaka anjoreng ri daeraya battu mae ri Isa akkiok-kio' angkana, “O Ana'na Daud, Kikamaseanga'! Napantamakki setang ana' baineku. Sanna' dudumi sessana!”

MATIUS 15:24

Appialimi Isa ri anjo bainea, Nakana, “INakke nisuro mangejA' bawang ri bansa Israelka, la'biangampa ri tau sala oloanga.”

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.