MATIUS 15:17 - KITTA' MATANGKASA'

¹⁷ Tenapa nuassengi, angkanaya apa antamaya ri bawaya, iaminjo naung ri parruka nampa assulu' poleang?

MATIUS 15:17 ပူးပေါင်းရင်းမြစ်များ

2 KARAENG-KARAENG 10:27

Niancuru'mi anjo patunga siagang balla' panynyombanga, nampa nipare' anjo tampaka a'jari pammelakkang je'ne' sa'genna kamma-kamma anne.

MATIUS 15:16

Appialimi Isa mae ri ke'nanga Nakana, “Maka tena ijapa nanupahangi?

MATIUS 15:18

Mingka apa assuluka battu ri bawaya, iaminjo battu lalang ri atia; iaminjo anrantassi taua.

MARKUS 7:19

Nasaba' anjo apa antamaya tena nanjoreng ri nyawaya numalo; passangalinna anjorengi ri parruka numalo, nampa assulu' poleang.” Battu ri akkana kammana Isa, naNapakasingara'mo angkanaya sikontu apa-apa nikanrea hallala' ngasengi.

LUKAS 6:45

Punna baji' taua, mattantu labaji' tongi kana-kananna, lanri sangnging kabajikang lalang ri atinna. Na punna ja'dala' taua, mattantu laja'dala' tongi kana-kananna, lanri sangnging kaja'dallang lalang ri atinna. Nasaba' apa-apa mamo assulu' ri bawaya ia tomminjo niaka lalang ri atia.”

1 KORINTUS 6:13

Nia' todong angkana, anjo kanrea untu' battang, siagang anjo battanga nipasadiai untu' napantamai kanre. Mingka anjo ruaya, iamintu kanrea siagang battanga lanipattaena ngasengi ri Allata'ala. Anjo batangkalea takkulleai nipake untu' a'gau' bawang, mingka untu' poro nipake allayani mae ri Batara. Na Batarami lamparakai anjo batangkalea.

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.