MATIUS 15:16 - KITTA' MATANGKASA'

¹⁶ Appialimi Isa mae ri ke'nanga Nakana, “Maka tena ijapa nanupahangi?

MATIUS 15:16 ပူးပေါင်းရင်းမြစ်များ

MATIUS 13:51

Akkuta'nammi Isa Nakana, “Maka nupahang ngasenji anne Kupakkanaya?” Appialimi ke'nanga angkana, “Iye' Bapa', napahanji ikambe.”

MATIUS 15:10

Le'baki anjo Nakio'mi Isa tau jaia nampa Nakana ri ke'nanga, “Pilangngerimi sollanna nupahang!

MATIUS 15:15

Angkanami Petrus, “Kipakasingara' sai battuanna anjo pangngebaranga ri kambe, Bapa'!”

MATIUS 15:17

Tenapa nuassengi, angkanaya apa antamaya ri bawaya, iaminjo naung ri parruka nampa assulu' poleang?

MATIUS 16:11

Angngapa natanupahanga angkanaya teai passala' roti anjo Kubicaraya ri kau ngaseng sumpaeng? Tutuko ri pa'gambanna tu Farisia siagang tu Sadukia!”

MATIUS 16:9

Tena ngasempa nupahangi? Tena nuu'rangi anjo roti limambatua le'baka nipa'bage-bageang, ri limassa'bua tau jaina? Pirang baku' tassesa le'ba' nupasse're?

MARKUS 6:52

Anjo passala' roti limambatu appakalannasaka tenapa napahangi ke'nanga. Sukkara' sikali napahang ke'nanga.

MARKUS 7:18

Nakanamo Isa ri ke'nanga, “Apaka tena ijapa nupahangi? Maka takkulleai nupahang angkanaya anjo apa-apa antamaya ri bawana taua tena nakkulle ampa'jari ra'masaki taua?

MARKUS 9:32

Tanapahangai ana'-ana' gurunNa Isa anjo apa Napangngajaranga, mingka mallaki ke'nanga akkuta'nang ri Ia.

LUKAS 18:34

Mingka manna sike'de' tanapahangai ana'-ana' gurunNa anjo Nabicaraya Isa. Na Narahasiakang Isa battuanna anjo kana-kana Napabattua ri ke'nanga. Tanapahangai ke'nanga angkanaya passala' apa anjo Nabicaraya Isa.

LUKAS 24:45

Le'baki anjo Nasungkeammi Isa pikkiranna ke'nanga, sollanna akkulle napahang battuanna Kittaka.

LUKAS 9:45

Mingka tanapahangai ana'-ana' gurunNa anjo Nabicaraya Isa. Nirahasiakangi anjo passalaka mae ri ke'nanga sollanna tena napahangi ke'nanga. Mingka mallaki ke'nanga ampakkuta'nangangi anjo passalaka mae ri Isa.

IBRANI 5:12

Sikontutojenna narapi'mi wattunnu la'jari guru; mingka ma'nassa parallu ijako appilajara' mae ri tau maraenga ri passala'na poko'-poko' pangngajaranNa Allata'ala. Takkullea pako nisare kanre terasa'; parallu ijako angnginung dadi'.