MATIUS 14:6 - KITTA' MATANGKASA'

⁶ Nia' se're wattu assua'-suaraki Herodes, ansua'-suarri allo kalassukanna. Anjo wattua nasuromi ana' tulolonna Herodias a'dansa ri dallekanna sikamma toana niaka hadere'. Nasanna' sannanna pa'mai'na Herodes anciniki lanri sanna' baji'na batena a'dansa tulolonna.

MATIUS 14:6 ပူးပေါင်းရင်းမြစ်များ

PA'JARIANG 40:20

Tallungngalloi pole, narapi'mi allo kalassukanna karaenga. Appare'mi passua'-suarrang untu' sikontu pagawena. Naparentakammi sollanna nipasulu' battu ri tarungkua anjo pangngurusu' inunganga siagang pangngurusu' rotia, nampa nierang mange ri dallekanna sikontu pagawea ri balla' karaenga.

ESTER 2:18

Le'baki anjo appare'mi acara passua'-suarrang lompo karaenga, untu' ampakalompoi Ester. Naundang ngasemmi sikamma pagawena siagang tumalompona. Napa'la'bammi mange ri sikontu daera kakaraenganna angkana allo perei anjo alloa, siagang a'bage-bagemi hadia sanna' jaina.

MATIUS 14:3

Nasaba' le'baki pirangalloang nasuro jakkala' Herodes anjo Yohanes, nampa nasikko' na napantama' ri tarungkua. Passabakkang bainenna niarenga Herodias nanajakkala'. Na anjo Herodias, le'ba' bainenna sari'battanna iamintu niarenga Filipus, naalle nabuntingi Herodes.

MATIUS 14:7

Na lanri sannang duduna pa'mai'na, najanjimi siagang assumpami Herodes, ri anjo tulolonna angkanaya manna apa napala' tena tanisarena.

MATIUS 22:24

Nakanamo ke'nanga ri Isa, “O Pa' Guru, napangngajarrangi Musa kammaya anne: Punna nia' sitau bura'ne mate natena ana'na, parallui sari'battanna ambuntingi anjo bainenna nabokoia, sollanna nasare ana' anjo sari'battanna matea.

MARKUS 6:14

Sikamma kabara'na anjo kajarianga battu tommi mae ri Karaeng Herodes. Nasaba' a'la'bammi niasseng mange-mange arenNa Isa. Nia'mo tau angkana, “Attallasa' poleammi Yohanes Paje'ne'! Iaminjo saba'na na nia'mo koasana anggaukangi anjo gau'-gau' appakalannasaka.”

MARKUS 6:17

Nasaba' le'baki pirangalloang nasuro jakkala' Yohanes, na napantama' ri tarungkua. Ia passabakkanna iamintu passala' Herodias, bainenna tonji sari'battanna, iamintu Filipus. Nasaba' le'ba'mi nabuntingi Herodias,

MARKUS 6:19

Iaminjo saba'na nanipammoli'-molikammo Yohanes ri Herodias. Eroki nabuno, mingka tanakulleai anggaukangi nasaba' tuli nihalangi ri Herodes.

MARKUS 8:15

Nakana Isa ri ke'nanga, “Tutuko ri pa'gambanna tu Farisia siagang pa'gambanna Herodes.”

LUKAS 13:31

Anjo todong wattua, nia'mo siapa are tu Farisi battu mae ri Isa na nakana, “TeaKo ammantangngi anrinni! A'lampaKo mange ri tampa' maraenga, nasaba' eroki Herodes ambunoKo.”

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

LUKAS 23:7

Le'ba'na nipauang ri ke'nanga angkanaya tau battui ri Galilea anjo Isa, iamintu daera kakoasanna Herodes, nikirimmi Isa ri Pilatus mae ri Herodes. Anjo wattua nia' tongi Herodes ri Yerusalem.

LUKAS 3:1

Ri taung makasampuloa allima ammarenta Karaeng Tiberius, Pontius Pilatus a'jari guburnur ri Yudea; na Herodes ammarenta ri Galilea; na Filipus, sari'battanna Herodes, ammarenta ri Iturea siagang Trakhonitis; na Lisanias ammarenta ri Abilene.

LUKAS 3:19

Mingka napakainga'mi Herodes, ammarentaya ri Galilea ri passala' pa'buntinganna siagang Herodias. Anjo Herodias bainenna sari'battanna niarenga Filipus. Kammayatompa ri passala' kaja'dallang maraenga, le'baka nagaukang Herodes.

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

LAMPA-LAMPANA 12:1

Iatommi anjo wattua nappakkaramulamo Karaeng Herodes anjallakkangi anggota-anggota jama'aka.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.