MATIUS 14:5 - KITTA' MATANGKASA'

⁵ Na sikontutojenna, eroki Herodes assuro bunoi Yohanes, mingka mallaki ri tau jaia. Nasaba' anjo Yohanes nipatappaki ri taua ma'nassa na'bi.

MATIUS 14:5 ပူးပေါင်းရင်းမြစ်များ

YEREMIA 26:21

Ri wattunna Yoyakim siagang perwira-perwira tantarana, kammayatompa sikamma pagawe pamarentaya nalangngereki kana-kananna Uria, ero'mi karaenga ambunoi Uria. Mingka nalangngereki Uria anjo passalaka nampa a'jari malla', sa'genna lari mae ri Mesir.

MATIUS 11:9

Jari angngapa nu'lampa mange ri parang lompoa? Erokko mange accini' na'bi? Annabai, ba'lalo la'biangampa na na'bia.

MATIUS 21:26

Mingka punna nikana, ‘Taua assarei koasa,’ mallakki' ri tau jaia, nasaba' tappaki taua angkanaya na'bi memang anjo Yohanes.”

MATIUS 21:32

Nasaba' battumi Yohanes Paje'ne' ampicinikiang ngasengko carana katallassang Nakaerokia Batara, mingka taerokako tappa' ri pangngajara'na; mingka parentea siagang bai'-baine ja'dalaka tappaki ri ia. Na ikau ngaseng, manna pole nucini' ngasemmi anjo apa kajarianga tena tompa natappinra pikkirannu siagang tena tongija nuero' tappa' ri Batara.”

LUKAS 20:6

Mingka punna nikana, ‘Pangngellai battu ri rupataua,’ ma'nassa lanasambilaki' taua batu, lanri tappa' ngasengi ke'nanga angkanaya na'bi anjo Yohanes.”

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

LAMPA-LAMPANA 5:26

Jari a'lampami perwira pangawala'na Balla'Na Batara siagang pangawalaka ngaseng, mange angngallei ammotere' anjo sikamma tunisuroNa Allata'ala. Mingka tena nanaerang passai ke'nanga, lanri mallaki ke'nanga ri tau jaia; gassingka nisambilai sallang batu ke'nanga ri anjo tau jaia.