MATIUS 14:36 - KITTA' MATANGKASA'

³⁶ Napala'mi ke'nanga sollanna nipa'biang ke'nanga anjamai jubaNa Isa, manna cappa'naja. Na sikontu tau garring anjamayai jubaNa, a'jari baji' ngasemmi.

MATIUS 14:36 ပူးပေါင်းရင်းမြစ်များ

MATIUS 14:35

Nicini'mi ri tau niaka anjoreng angkana niaki Isa battu. Napa'la'bammi ke'nanga anjo kabara' kabattuanNa Isa ri sikontu daera a'reppeseka ri anjo kotaya. Battumi nierang sikontu tau garringa mange ri Isa.

MATIUS 23:5

Sikontu anjo apa nagaukanga ke'nanga poro ero'naja napappicini'-cinikang ri taua. Napakkunjung-kunjungiammi ke'nanga ammake soro'bang siagang juba turunga!

MARKUS 3:10

Sanna' jaina tau Naballei na'jari baji'. Sa'genna sisorong-sorong ngaseng minjo tau garringa, massing ero' a'reppese' nakkulle nasero Isa.

MARKUS 6:56

Kemae-kemae battu Isa – baji'na ri kampong-kamponga, ri desa-desaya, yareka ri kota-kotaya – anjoreng tommi battu taua massing angngerangi tau garrinna na napadongko' ri lapanganga. Nampa napala' dudu ri Isa, sollanna nipa'biang ngaseng anjo tau garringa anseroi jubaNa, manna cappa'naja nasero ke'nanga. Na sikontu tau le'baka anseroi jubaNa, a'jari baji' ngasemmi.

MARKUS 8:22

Battumi ke'nanga ri Betsaida. Anjoreng nia'mo tau buta naerang taua mae ri Isa, na napala' ri Isa sollanna Najama anjo tau butaya.

LUKAS 6:19

Ero' ngasemmi taua anseroi Isa, nasaba' nia'na koasa assulu' battu ri KalenNa, akkullea amballei garrinna ke'nanga.

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

YOHANES 7:23

Punna nugaukangi anjo kammaya sollanna tena nudakkai atorang napabattua Musa ri passala'na anjo sunnaka, angngapa nularro ri Nakke lanri Kuballeina taua sibatu kale ri allo Pammari-marianga?

LAMPA-LAMPANA 3:16

Nucini'mi siagang nusa'bimi apa kajarianga ri kalenna anne tau pesoka. A'jari baji'mi siagang gassimmi ammotere' lanri tappaki mae ri Isa siagang kakoasanNa. Lanri tappa'na mae Isa, a'jari baji'mi ammotere' anne taua ri dallekannu ngaseng.