MATIUS 14:29 - KITTA' MATANGKASA'

²⁹ Appialimi Isa Nakana, “Battu mako mae.” Jari naummi Petrus battu ri biseanga, a'jappa irate ri tompo'na je'neka, ero' mange ri Isa.

MATIUS 14:29 ပူးပေါင်းရင်းမြစ်များ

MATIUS 14:28

Nakanamo Petrus, “Punna ma'nassa iKatte Isa, suroma' battu mae ri Katte, a'jappa irate ri tompo'na je'neka.”

MATIUS 14:30

Mingka nacini'na Petrus bombang lompoa ri tamparanga, nabattuimi malla'. Appakkaramulami tallang. Ammarrang lompomi nakana, “O Batara, Kiallea'!”

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

MATIUS 21:21

Appialimi Isa Nakana, “Sitojeng-tojenna, punna tappakko natena nubata-bata, akkulle ngaseng tongko anggaukangi anjo apa le'baka Kugaukang mange ri poko' araya. Ba'lalo teai anjo bawang. Lakkulleko pole angkana ri anne bontoa, ‘Ta'angkakko, nutassambila naung ri tamparanga’; nalakamma tojeng-tojeng anjo kajarianna.

MARKUS 9:23

Appialimi Isa Nakana, “Apa kanannu? Punna akkulleKi'? Yangaseng-ngasenna akkullei, assala' tappa' taua!”

LUKAS 17:6

Appialimi Batara Isa Nakana, “Punna nia' tappa'nu manna sillompoja lisere'na sawi-sawia, akkulleko angkana ri anjo poko' kayua, ‘Ta'bi'bukko na nuattimbo ri tamparanga,’ mattantu lanapilangngeri kanannu anjo poko' kayua.”

LAMPA-LAMPANA 3:16

Nucini'mi siagang nusa'bimi apa kajarianga ri kalenna anne tau pesoka. A'jari baji'mi siagang gassimmi ammotere' lanri tappaki mae ri Isa siagang kakoasanNa. Lanri tappa'na mae Isa, a'jari baji'mi ammotere' anne taua ri dallekannu ngaseng.

ROMA 4:19

Anjo wattua naassemmi Abraham angkanaya tenamo olona lakkulle anggappa ana', nasaba' toa sikalimi nasa'ring kalenna, nasaba' la'birimmi narapi' sibilangngang taung umuru'na; la'biangampa pole, nasaba' tau tamanang bainenna, iamintu Sara. Mingka manna nakamma, tena na'jari kurang tappa'na Abraham.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.