MATIUS 14:20 - KITTA' MATANGKASA'

²⁰ Angnganre ngasemmi ke'nanga sa'genna bassoro'. Le'baki angnganre ke'nanga, napasse'remi ana'-ana' gurunNa Isa sikamma kanre niaka tassesa; nia' sampulo anrua baku' rassi ngaseng anjo kanre alla'bia.

MATIUS 14:20 ပူးပေါင်းရင်းမြစ်များ

KALAPPASSANG 16:12

“Kulangngereki pa'moro-morona ke'nanga tu Israel. Pauammi ke'nanga angkana punna karueng langgappami ke'nanga dageng, siagang punna bari'basa' langnganrei ke'nanga roti sa'genna bassoro'. Jari lanaassemmi ke'nanga angkanaya iNakkemi Batara, Allata'alana ke'nanga.”

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

PANGNGEBARANG 13:25

Tau bajika tuli gannaki ri katallassanna, mingka tau ja'dalaka tuli lakakurangangi.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

MATIUS 14:21

Tau angnganrea anjo wattua, nia' limassa'bu jaina, natanirekengapa tubai'-bainea siagang ana'-anaka.

MATIUS 15:33

Akkuta'nammi ana'-ana' gurunNa ri Ia angkana, “Kemaeki' akkulle ampanggappangi kanre tau sikammaya anne jaina ri daera bella kammaya anne?”

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

LUKAS 1:53

Nabassori inai cipuru', battu ri kabajikanNa naNabongka tu kalumanynyang a'lampa tamangngeranga.

LUKAS 9:17

Angnganre ngasemmi ke'nanga sa'genna bassoro'. Nampa napasse're ana'-ana' gurunNa Isa kanre alla'bia, nia' sampulo anrua baku' jaina.

YOHANES 6:7

Appialimi Filipus nakana, “Manna ruambilangngang doe' pera' nipaballi ri roti, tena todong nalaganna' manna tassike'de'-ke'de'naja anne tau sikammaya jaina.”