MATIUS 14:19 - KITTA' MATANGKASA'

¹⁹ Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

MATIUS 14:19 ပူးပေါင်းရင်းမြစ်များ

MATIUS 14:18

Nakanamo Isa, “Erangi mae anjo apa niaka.”

MARKUS 6:39

Nasuromi Isa ammempo a'gompo-gompo ke'nanga, ri rukuka.

MARKUS 6:41

Nampa Naalle Isa anjo roti limambatua siagang anjo juku' ruang kayua; nampa acconga nai' ri langika, appala' sukkuru' ri Allata'ala. Le'baki anjo Nabage-bagemi anjo rotia ri limanNa nampa Napassareang mae ri ana'-ana' gurunNa, sollanna natawa-tawai anjo tau jaia. Kammayatompa anjo juku' ruang kayua, natawa-tawai ngaseng tommi ke'nanga.

MARKUS 7:34

Le'baki anjo accongami nai' ri langika, nampa a'mai' la'bu na Nakana ri anjo taua, “Efata,” battuanna, “Tassungke mako!”

LUKAS 22:17

Le'baki anjo Naangka'mi Isa piala anggoroka, nampa appala' sukkuru' ri Allata'ala. Nampa Nakana, “Allemi anne, nanubage-bage;

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

LUKAS 24:30

Ri wattunna ammempo sipangnganreang ke'nanga, angngallemi roti Isa. Appala' sukkuru'mi ri Allata'ala, naNapue-pue anjo rotia, nampa Napassareang mae ri ke'nanga.

LUKAS 9:14

(Nia' kira-kira limassa'bu tau bura'ne anjoreng.) Nakanamo Isa ri ana'-ana' gurunNa, “Suromi anjo taua ammempo, a'gompo-gompo, kira-kira limampulo sipa'rappungang.”

LUKAS 9:16

Nampa Naalle Isa anjo roti limambatua siagang juku' ruang kayua. Accongami nai' ri langika, appala' sukkuru' ri Allata'ala. Le'baki anjo Nabage-bagemi anjo rotia siagang jukuka; nampa Napassareang mae ri ana'-ana' gurunNa, sollanna natawa-tawai anjo taua.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 6:23

Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.

LAMPA-LAMPANA 27:35

Le'baki akkana kamma Paulus, angngallemi roti nampa appala' sukkuru' mae ri Batara ri dallekanna ngaseng ke'nanga. Nampa napa'bage-bageang anjo rotia, nanakanre anjo rotia.

ROMA 14:6

Nia' tau ampa'jari la'bi paralluangangi allo-allo attantua, lanri ero'na napakala'biri' Batara. Nia' tau a'rupa-rupai nakanre, lanri ero'na napakala'biri' Batara, nasaba' napakei appala' sukkuru' mae ri Allata'ala anjo kanrea. Kammatommi anjo tau kanre-kanreang attantuaji bawang nakanre; anjo taua napakala'biriki Batara siagang appala' sukkuruki mae ri Allata'ala.

1 KORINTUS 10:16

Ri wattunta sipangnginungang anggoro' siagang appala' sukkuru' mae ri Allata'ala, sai iaminjo a'jari pammatei angkanaya a'jari se're ngaseng maki' siagang Almasi lalang ri kamateanNa? Kammayatompa ri wattunna nibage-bage anjo roti se'rea nampa assama-samaki' angkanrei, sai iaminjo a'jari pammatei angkanaya a'jari se're maki' lalang ri batangkalenNa Almasi?

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

1 KORINTUS 11:24

na ri wattunna le'ba' appala' sukkuru' mae ri Allata'ala, Nabage-bagemi anjo rotia, nampa Nakana, “Iaminne batangkalengKu nipassareanga untu' ikau ngaseng. Gaukammi anne kammaya untu' pangngu'rangi mae ri Nakke.”

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.