MATIUS 13:46 - KITTA' MATANGKASA'

⁴⁶ Ri wattunna ammuntulu' mutiara sannaka ga'gana, a'lampa memammi linta' mange ambalukang ngasengi sikontu barang-baranna, nampa ammotere' amballi anjo mutiara silisereka.”

MATIUS 13:46 ပူးပေါင်းရင်းမြစ်များ

PANGNGEBARANG 2:4

Boyai anjo kammaya sanrapang a'boya bulaeng, siagang ondangi anjo kammaya sanrapang angngondang pakkalumanynyangngang taccokkoa.

YESAYA 33:6

siagang assarei kaamangngang umma'Na. Pa'barang-barangngang ampasalamakai ke'nanga iamintu kacara'dekang siagang pangngassengang kammayatompa mappakalompo ri Batara.

MATIUS 13:44

“Punna ammarenta Allata'ala, pangngebaranna lakammaminne: Nia' barang-barang taccokko lalang butta, nanibuntulu' ri se'reang tau, na napoterang pole anjo baranga antama' ri buttaya. Nampa, lanri teai sipato' rannuna, a'lampami anjo taua ambalukang ngasengi sikontu barang-baranna, na nampa ammotere' amballi anjo tampaka sumpaeng.”

MATIUS 13:45

“Punna ammarenta Allata'ala, pangngebaranna lakammaminne: Nia' sitau padanggang a'boya mutiara ka'jalaka ballinna.

MATIUS 13:47

“Punna ammarenta Allata'ala, lasanrapangi jala nibuanga ri tamparanga, nanggappa a'rupa-rupa juku'.

LAMPA-LAMPANA 20:24

Mingka takujampangiai anne tallasakku, assala' akkulle mamo kupa'le'ba' anjo tugasa' Napassareanga Batara Isa mae ri nakke; kammayatompa assala' akkullea' jarre' sa'genna kala'busang tallasakku ampa'la'bangi Kabara' Bajika, iamintu ri passala'na pangngamaseanNa Allata'ala.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.

PAPPICINI' 18:12

Tenamo amballi bulaenna, pera'na, paramatana, siagang mutiarana ke'nanga; kammayatompa kaeng lenang, kaeng lango-lango, sa'be, siagang kaeng eja toa; a'rupa-rupa kayu langkaraka nigappa, barang-barang gadinga siagang kayu-kayu ka'jalaka ballinna, tambagaya, bassia siagang batu laccu' keboka;

PAPPICINI' 21:21

Anjo sampuloa anrua pakke'bu' lompona iamintu sampulo anrua mutiara; tasse're-se'rea pakke'bu' massing mutiara nipare'. Agang lompona anjo kotaya sangnging bulaeng ti'no' nipare', ci'nong nicini' sangkamma kaca accillaka.