MATIUS 13:33 - KITTA' MATANGKASA'

³³ Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

MATIUS 13:33 ပူးပေါင်းရင်းမြစ်များ

PA'JARIANG 18:6

Akkaro-karomi Abraham antama' ri kemana nampa nakana ri Sara, “Akkaro-karoko angngalle labu' kaminang bajika, nunampa appare' linta' roti a'bundala'.”

2 SAMUEL 13:6

Nampa attinromo Amnon ri tampa' katinroanga, assara-sarai garring. Ri wattunna battu Daud antoaki, nakanamo Amnon ri ia, “Bapa', kisurosai battu Tamar untu' appallu kanrejawa ri dallekangku anrinni; sinampe' nakuero' angnganre.”

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

HOSEA 6:3

Lanri kammana anjo umbamo kippattujuang tojeng-tojeng untu' angngassengi Batara. Mattantu labattui mae ri katte rapang battuna allo ammumbaya ri bari'basaka, siagang rapang bosi ambasaiyai buttaya ri kala'busang wattu bosia.”

MATIUS 13:24

Napaccaritammi pole Isa se're pangngebarang maraeng anjo tau jaia. Nakana, “Punna ammarenta Allata'ala, pangngebaranna lakammaminne: Nia' sitau pamarri appakioro' bine ri tanana.

MARKUS 13:20

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

LUKAS 13:21

Kajarianna lasanrapangi pa'gambang naallea sitau baine, nampa napasileo' patampulo litere' labu', sa'genna a'bakka ngaseng anjo labuka.”

YOHANES 15:2

Sikamma tangke-tangke niaka ri Nakke nata'rappoa, lanipelaki. Na sikamma tangke-tangke a'rappoa, lanitangkasi sollanna pila' jai rapponna.

GALATIA 5:9

Nakana taua, “Anjo pa'gambang sike'deka akkullei napabakka' sikontu tarigu le'baka nileo'.”

FILIPI 1:6

KalenNa Allata'ala le'ba' ampakaramulai anne jama-jamang bajika ri kau; na tappaka' angkanaya Ia tommi lampannarrusuki anjo jama-jamanga sa'genna le'ba' ri Allo kabattuanNa ammotere' Isa Almasi.

FILIPI 1:9

Iaminne pappala' doangangku untu' ikau: poro pila' mangngamaseangko ri Allata'ala siagang ri parannu tau siagang natuli katambang pangngassengannu ri katojenganga siagang kacara'dekanga,

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

HAKING-HAKING 6:19

Jari ammotere'mi Gideon. Nampa ammolong sikayu bembe rungka nanapallu. Angngalle tongi sampulo kilo labu' nampa appare' roti tenaya nammake pa'gambang. Le'baki anjo napantamami anjo dagenga ri karanjeng. Na je'ne'na napariuringi. Nampa naerang ngaseng anjo, mange napatala ri malaeka'Na Batara, niaka attayang ri rawanganna anjo poko' kayu terpentinga.

1 SAMUEL 1:24

Le'baki nisa'la' anynyusu Samuel, niantara'mi ri amma'na mange ri Balla'Na Batara ri Silo. Anjo wattua ca'di dudu iji Samuel. Angngerang tommi Hana sikayu sapi laki umuru' tallun taunga, gandung sampulo kilo battala'na, siagang sipammoneang rassia anggoro'.