MATIUS 13:30 - KITTA' MATANGKASA'

³⁰ Lappassammi attimbo todong anjo reaya sa'genna narapi' wattu pakkattoanga. Lakusuroi sallang pakattoa angkana: Passe'rei rolong anjo reaya siagang sikko' ngasengi nampa nitunu pepe'. Le'baki anjo passe'remi anjo asea, nampa nuboli' lalang ri pammantanganna.’ ”

MATIUS 13:30 ပူးပေါင်းရင်းမြစ်များ

2 SAMUEL 23:7

manna sitau tania' ero' ambuttuki punna tammakea pa'lapa' kayu yareka bassi limanna. Possoki tau kammaya anjo nikanre ri pepe'.

AYUB 39:12

Apaka akkullei nurannuang ampasse'reangko kattoannu nampa naerang mae ri pa'lessorannu?

YESAYA 17:5

Anjo Israel lasanrapangi koko ri Refaim cappuka le'ba' nikatto gandunna, na sike'de' mamo tassesa.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

MATIUS 13:25

Nia'mo se're bangngi, ri wattunna attinro ngasemmo taua, battumi musunna anjo pamarria a'lamung rea ri alla'na anjo asea nampa a'lampa.

MATIUS 13:29

Appialimi anjo pamarria nakana, ‘Tena, nasaba' punna nibi'buki anjo reaya, akkullei ta'bi'bu' todong anjo asea.

MATIUS 25:32

Sikontu bansaya lanipa'rappungang ngasemmi ri dallekanNa. Nampa laNasa'la' anjo rupataua a'jari ruang pammantangang, rapang pakalawaki ansa'laki gimbalaka siagang bembea.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

1 TIMOTIUS 5:24

Sipa'gang taua a'nassa memammi dosana ri tenanapa niadeli. Mingka sipa'gang taua nampami a'nassa dosana ri wattunna le'ba' niadeli.

1 SAMUEL 25:29

Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.