MATIUS 13:13 - KITTA' MATANGKASA'

¹³ Iaminjo saba'na naKummake pangngebarang punna Kuajara' anjo tau jaia. Nasaba' accini'ji ke'nanga, mingka sanrapangi tau tenaya naccini'. Allangngere'ji ke'nanga, mingka sanrapangi tau tenaya nallangngere' siagang tau tenaya nammahang.

MATIUS 13:13 ပူးပေါင်းရင်းမြစ်များ

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

MATIUS 13:16

Nakana pole Isa ri ana'-ana' gurunNa, “Ikau, teai sipato' upa'nu ngaseng. Nasaba' ikau accini' baji' ngaseng mako siagang allangngere' baji' ngaseng mako.

ROMA 11:8

Nasaba' nia' tattulisi' lalang ri Kittaka angkanaya, “Napa'jari tattongko'mi Allata'ala atinna siagang pikkiranna ke'nanga; siagang sa'genna kamma-kamma anne takkulleai accini' matanna ke'nanga, siagang takkulleai allangngere' tolinna ke'nanga.”