MATIUS 12:45 - KITTA' MATANGKASA'

⁴⁵ Jari a'lampami pole nampa battu angngerang tuju roh ja'dala' maraeng, ja'dallanganga na ia. Nampa antama' ke'nanga ammantang ri kalenna anjo taua. Kale'bakkanna a'jari sannakkangammi kodina anjo taua na ri uru-uruna. Ia tomminjo lakajariang ri katallassanna taua ri anne jammanga.”

MATIUS 12:45 ပူးပေါင်းရင်းမြစ်များ

KAIMANGNGANG 13:20

untu' niparessa. Punna anjo ballang-ballang keboka la'bi lantangi na bukkuleng niaka ri ampi'na siagang a'jari ke'bo'mi bulunna, musti napaui imanga angkanaya anjo taua ra'masaki. Anjo lattanga pammatei pakaramulanna garring salaya.

MATIUS 12:24

Nalangngere'na tu Farisia anjo pakkuta'nanga, appialimi ke'nanga angkana, “Nakkulle Nabongka setanga anne taua, lanri le'ba'naji nisare koasa ri pinggawana setanga.”

MATIUS 12:44

Jari nakanamo ri kalenna, ‘Erokka' ammotere' mange ri balla' le'baka kupammantangi.’ Ri wattunna battu mange anjoreng, narapikammi anjo ballaka tena bonena, tangkasa' siagang baji' atoro'na.

MATIUS 17:21

Mingka anne roh ja'dala' kammaya pappala' doangang siagang puasaji bawang akkulle ampasuluki.]”

MATIUS 23:15

Cilaka ngaseng mako ikau guru-guru agamaya siagang tu Farisia, lanri nungaina assara-saraia! A'lampa bella mako a'limbang tamparang, nujappai ngasemmi tompo'na buttaya, naporo sitauji bawang ero' nupantama' ri agamanu. Na punna antama'mo anjo taua ri agamanu, nupa'jarimi parekang tulantamaka ri naraka, a'lappi ruaya ja'dala'na na ikau ngaseng!

MATIUS 23:24

Ma'nassa pamimping buta ngasengko! Nubongkai katingalo lalanga ri je'ne' inunnu, na unta sikayu nua'lu'!

MARKUS 16:9

Attallasa' poleannamo Isa battu ri kamateanga, ri bari'basa'na allo Minggua, uru-uruna Napappicinikammi KalenNa mae ri Maria Magdalena. (Iaminne Maria le'baka napantamakki tuju setang, na Nabongka Isa assulu' anjo setanga battu ri kalenna.) A'lampai anjo sikamma bai'-bainea mae ri Petrus siagang agang-aganna, nampa napabattu bodona caritana anjo sikontu apa le'baka nipauangi ke'nanga ri anjo tau rungkaya.

MARKUS 5:9

Nampa akkuta'nang Isa ri ia Nakana, “Inai arennu?” Appialimi anjo taua nakana, “ ‘Legiun’ arengku – nasaba' jai sikalia' sipa'rurungang!”

LUKAS 11:26

Jari a'lampami pole mange akkio' agang, iamintu tuju roh sannakkanganga ja'dala'na nakalenna. Nampa antama'mo ke'nanga ammantang ri kalenna anjo taua. Kale'bakkanna, a'jari sannakkangammi ja'dala'na siagang kodina sipa'na anjo taua.”

EFESUS 6:12

Nasaba' teai rupataua bawang laniewa, passangalinna kagassinganna pole setang-setang makoasaya ri anne jammang ja'dalaka. Ia laniewaya iamintu kagassinganna pole roh-roh ja'dalaka, makoasaya todong ilalang ri anne linoa.

IBRANI 10:39

Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.