MATIUS 12:36 - KITTA' MATANGKASA'

³⁶ Jari u'rangi laloi anne: ri Allo Kiamaka sallang, massing lanatanggong jawakki rupataua sikontu bicaranna tenaya matu-matunna.

MATIUS 12:36 ပူးပေါင်းရင်းမြစ်များ

KATO'BA 12:14

LaNaadeli ngasengi Allata'ala sikontu panggaukanta; ia bajika siagang kodia, ba'lalo manna pole toccokkoa.

MATIUS 10:15

U'rangi! Angkanaya ri Allo Kiamaka sallang, lakkulleangangi nipammopporang tau niaka ri kota Sodom siagang Gomora, kala ia anjo tau niaka lalang ri kotaya!”

MATIUS 11:22

U'rangi laloi angkanaya, punna narapi' Allo Kiamaka sallang, akkulleangangi Napammopporang Allata'ala dosa-dosana tau niaka anjoreng ri Tirus siagang Sidon nakala ikau ngaseng!

MATIUS 12:37

Nasaba' battu ri bicarannu tonji sallang nalanitappuki ma'nassanu sala yareka tena.”

ROMA 14:12

Jari musti laniadeli ngasengki' ri Allata'ala, lanri sikontu panggaukanta.

ROMA 2:16

Kammaminjo lakajarianga sallang ri allo le'bakamo nipattantu. Ri anjo alloa – situru' Kabara' Baji' kubirittakanga – laNaadeli Allata'ala lalang Isa Almasi rahasia atinna siagang rahasia pikkiranna sikontu rupataua.

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.