MATIUS 12:33 - KITTA' MATANGKASA'

³³ “Sollanna akkulle baji' rapponna, parallui coppong se'rea poko'-poko'. Punna tacopponga se'rea poko'-poko', tena todong nalabaji' rapponna. Battu ri rapponnai nicini' antekamma copponna yareka tenana nacoppong se'rea poko'-poko'.

MATIUS 12:33 ပူးပေါင်းရင်းမြစ်များ

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

MATIUS 23:26

E, tu Farisi butaya! Bissaimi sa'genna tangkasa' ilalanganna anjo mangko'-mangko'nu siagang piring-pirinnu, sollanna tangkasa' ngaseng todong pantaranganna!

LUKAS 3:9

Sadiami pangkuluka untu' lanipake anta'bangi poko' kayua sa'genna ri aka'-aka'na. Sikamma poko' kayu tenaya na'rappo baji', lanita'bangi nampa nipela' antama' ri pepeka.”

YAKOBUS 3:12

Anjo poko' araya, sari'battangku ngaseng, takkulleai a'jari zaitun rapponna; kammayatompa anjo poko' anggoroka takkulleai a'jari la'ba je'ne'na.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!