MATIUS 12:29 - KITTA' MATANGKASA'

²⁹ Antekamma lakkulle antama' taua ri se'reang balla', angngalle passai barang-baranna punna tau gassing patanna balla'? Mattantu nasikkoki rolong anjo tau gassinga, patannaya balla'. Punna le'ba'mo nasikkokang anjo patannaya balla', nampami akkulle naalle passa barang-baranna.

MATIUS 12:29 ပူးပေါင်းရင်းမြစ်များ

YESAYA 49:24

Akkuta'nang ngasengko angkana, “Maka lakkullei nialle barang rampasanga battu ri se'rea tubarani, yareka tunitahanga nialle battu ri ta'galanna tau pallaka?”

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

MATIUS 12:28

Mingka iNakke nakkulle Kubongka setanga lanri koasa battu ri RohNa Allata'ala. Na iaminjo a'jari pammatei, angkanaya appakkaramulami ammarenta Allata'ala ri tangnga-tangnganu ngaseng.

MATIUS 12:30

Inai-nai taeroka a'jari agangKu, sikontutojenna a'jari musui ri Nakke. Siagang tau taeroka ambantuA' ri jama-jamangKu, sikontutojenna iami lampanraki jama-jamangKu!

MARKUS 3:27

Punna nia' paella' antama' ri balla'na tau gassinga, takkulleai naalleang barang-baranna punna tanasikkoka rolong anjo tau gassinga. Le'bappi nasikko' anjo tau gassinga nampa akkulle naalleang barang-baranna.

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.