MATIUS 12:2 - KITTA' MATANGKASA'

² Ri wattunna nicini' ke'nanga ri tu Farisia angkattiliki anjo asea, akkuta'nammi anjo tu Farisia mae ri Isa angkana, “Cini' sai anjo ana'-ana' gurunNu! Nadakkaimi atorang agamata nasaba' nagaukangi apa nipappisangkanga nigaukang ri allo Pammari-marianga.”

MATIUS 12:2 ပူးပေါင်းရင်းမြစ်များ

KALAPPASSANG 23:12

Annangallo akkulleko anjama; mingka ri allo makatujua musti ammari-mariko, sollanna ammari-mari todong olo'-olo'nu, ata-atannu, siagang bansa maraeng anjamaya untu' ikau.

KALAPPASSANG 35:2

Nia' annang allo wattunnu untu' anjama, mingka allo makatujua iamintu allo untu' pammari-mariang, allo lompo nisa'laka untu' Batara. Inai-nai anjama ri Allo Pammari-marianga musti nihukkung matei.

YESAYA 58:13

Nakana Batara, “Pakalompoi allo Pammari-marianga, a'jari allonNa Batara. Teako urusuki kaparalluang kalennu ri anjo alloa. Pakalompoi anjo alloa a'jari allo mate'ne; pakalompoi anjo allonNa Batara iamintu teako a'lampai; teako anjamai yareka a'bicara tenaya matu-matunna.

MATIUS 12:10

Anjoreng ri balla' sambayanga nia' se're tau mate siali limanna. Nia'mo siapa are tau ero' ampa'boyangi sala Isa. Jari akkuta'nammi ke'nanga ri Isa angkana, “Maka akkulleji niballei taua ri allo Pammari-marianga?”

MATIUS 12:3

Appialimi Isa Nakana, “Tena le'bakapi nubaca lalang ri Kittaka, apa nagaukanga Karaeng Daud siagang taunna ri wattunna cipuru'?

MARKUS 2:24

Nakanamo tu Farisia ri Isa, “Angngapai anjo ana'-ana' gurunNu na nadakkai atoranga ri agamata, kanagaukangi apa nipappisangkanga nigaukang ri allo Pammari-marianga?”

LUKAS 14:3

Akkuta'nammi Isa ri guru-guru agamaya siagang tu Farisi niaka anjoreng Nakana, “Manuru' atorang agamata, maka akkullejaki' amballei tau garringa ri allo Pammari-marianga?”

LUKAS 23:56

Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.

LUKAS 6:2

Nia'mo siapa are tu Farisi angkana, “Angngapa naNudakkai atoranna agamata, iamintu Nugaukangi apa nipappisangkanga nigaukang ri allo Pammari-marianga?”