MATIUS 12:15 - KITTA' MATANGKASA'

¹⁵ Naassengi Isa angkanaya niakkali ero' nibuno ri anjo tu Farisia. Jari a'lampami ambokoi anjo tampaka. Jaimi tau ampinawangi. Naballei ngasemmi sa'genna a'jari baji' sikontu tau garringa.

MATIUS 12:15 ပူးပေါင်းရင်းမြစ်များ

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

MATIUS 19:2

Jaimi tau ampinawangi. Naballeimi sikamma tau garring niaka anjoreng.

MARKUS 6:56

Kemae-kemae battu Isa – baji'na ri kampong-kamponga, ri desa-desaya, yareka ri kota-kotaya – anjoreng tommi battu taua massing angngerangi tau garrinna na napadongko' ri lapanganga. Nampa napala' dudu ri Isa, sollanna nipa'biang ngaseng anjo tau garringa anseroi jubaNa, manna cappa'naja nasero ke'nanga. Na sikontu tau le'baka anseroi jubaNa, a'jari baji' ngasemmi.

LUKAS 5:22

Naassengi Isa anjo apa napakkuta'nanganga ke'nanga. Jari Nakanamo, “Angngapa nukkuta'nang kamma ngaseng lalang ri nyawanu?

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

LUKAS 9:11

Mingka naassenna taua angkanaya la'lampai Isa, amminawang tommi ke'nanga. Nitarimami ke'nanga ri Isa, nampa Nacarita ri ke'nanga ri passala' antekamma bateNa ammarenta Allata'ala salaku Karaeng. Kammayatompa Naballei tommi tau garringa na'jari baji'.

YOHANES 11:54

Lanri kammana, tenamo Napappicinikangi KalenNa Isa ri dallekanna tau jaia ri tangnga-tangngana tu Yahudia. Nabokoimi Yudea, nampa a'lampa mange ri kota niarenga Efraim, a'reppeseka ri parang lompoa. Ammantammi anjoreng siagang ana'-ana' gurunNa.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

1 PETRUS 2:21

Untu' iami anjo naNakiokko Allata'ala. Nasaba' KalenNa Almasi le'ba' tommi angkasiaki kasessanga untu' ikau; na lalang kammana anjo Nasare mako conto sollanna nuturuki bateNa.