MATIUS 12:14 - KITTA' MATANGKASA'

¹⁴ Mingka a'lampami anjo tu Farisia, nampa sikongkolo' a'boya akkala' ero' ambunoi Isa.

MATIUS 12:14 ပူးပေါင်းရင်းမြစ်များ

MATIUS 26:4

A'bicarami siagang a'boyami akkala' ke'nanga, antekamma nakkulle najakkala' cokko-cokko Isa, nampa nabuno.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

MARKUS 14:1

Ruangallo mami na allo Paska siagang allo Passua'-suarrang Roti Tenaya Nammake Pa'gambang. A'boyami akkala' imang-imang kapalaya siagang guru-guru agamaya sollanna akkulle najakkala' cokko-cokko siagang nabuno Isa.

MARKUS 3:6

A'lampami tu Farisia ambokoi anjo balla' sambayanga. Nampa assikongkolo' siagang siapa are ana'-ana'na Herodes, ero' ambunoi Isa.

LUKAS 22:2

Na anjo wattua a'boyami akkala' imang-imang kapalaya siagang guru-guru agamaya, antekamma nakkulle nabuno Isa. Mingka eroki nabuno cokko-cokko, lanri mallaki ke'nanga ri tau jaia.

LUKAS 6:11

Mingka sanna'mi larrona guru-guru agamaya siagang tu Farisia. Sipa'bicarami ke'nanga a'boya cara angkanaya apa akkulle nagaukang ke'nanga mae ri Isa.

YOHANES 10:31

Angngallemi pole batu ke'nanga ero' ansambilai Isa.

YOHANES 10:39

Usahami pole ke'nanga ero' anjakkalaki Isa, mingka ta'lappasaki Isa battu ri ke'nanga.

YOHANES 11:53

Anjo alloa appakkaramulami pamarentana tu Yahudia assikongkolo' ero' ambunoi Isa.

YOHANES 11:57

Nakkana kamma anjo ke'nanga, lanri le'ba'mi appasulu' parenta imang-imang kapalaya siagang tu Farisia, angkanaya, inai-nai anciniki pammantanganNa Isa musti napaui sollanna akkulle nijakkala' Isa.

YOHANES 5:18

Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

YOHANES 7:30

Anjo wattua, ero'mi ke'nanga anjakkalaki Isa. Mingka tena tau barani anta'galaki, lanri tenapa narapiki wattunna.

YOHANES 7:32

Nalangngere'mi tu Farisia antekamma batena a'bici'-bici' anjo tau jaia ri passala'na Isa. Lanri kammana assama turu'mi ke'nanga siagang imang-imang kapalaya. Assama turu'mi ke'nanga assuroi pangawala'na Balla'Na Batara anjakkalaki Isa.

YOHANES 7:44

Nia'mo ero' anjakkalaki Isa, mingka tenanniakka ero' anta'galaKi.

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.