MATIUS 11:4 - KITTA' MATANGKASA'

⁴ Appialimi Isa Nakana, “Ammotere' mako mae ri Yohanes nanupauang apa le'baka nucini' siagang nulangngere', iamintu:

MATIUS 11:4 ပူးပေါင်းရင်းမြစ်များ

MATIUS 11:3

“Maka iKatte mintu le'baka Napa'janjiang Allata'ala? Yareka musti lanitayanginji maraenganga?”

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 15:30

Jaimi tau ambattui. Nia' angngerang tau tempang, tau buta, tau peso', tau pepe, siagang a'rupa-rupa garring maraengang. Niboli'mi ri dallekanNa Isa yangasenna anjo tau garringa. Nampa Naballei Isa na'jari baji' ngaseng silalonna.

MATIUS 21:14

Battumi tau butaya siagang tau pesoka nierang mae ri dallekanNa Isa lalang ri Balla'Na Batara. Nampa niballei ngaseng ri Isa, na'jari baji' memang silalonna.

MATIUS 8:3

Naangka'mi limanNa Isa naNajama anjo tau garring salaya, na Nakana, “Kuerokangi, a'jari baji' mako!” Apaji nammari memammo silalonna garrinna anjo taua.

YOHANES 14:11

Tappa' mako ri Nakke, angkanaya asse'reA' siagang Manggea, kammayatompa asse'rei Manggea siagang iNakke. Yareka kaminang sike'de'na, tappa' mako lanri sikamma anjo apa le'baka nucini' Kugaukang.

YOHANES 5:36

Mingka lompoangangi kasa'biangKu na kasa'bianna Yohanes. Apa Kugaukanga ri kamma-kammaya anne, iamintu jama-jamang Napassuroanga Manggea mae ri Nakke, iaminjo a'jari butti, ma'nassana Manggea assuroA' battu.