MATIUS 11:29 - KITTA' MATANGKASA'

²⁹ Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

MATIUS 11:29 ပူးပေါင်းရင်းမြစ်များ

2 PATTOTTORANG 10:11

Nabattalliko manggeku, mingka inakke la'bi lakubattalliko. Nacambokko manggeku siagang pa'ba'bala' biasa, mingka inakke lakucambokko siagang pa'ba'bala' akkatinting bassia!’ ”

PAMMUJI 116:7

Kupakasannangi pa'maikku, saba' bajiki Batara mae ri nakke.

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

PANGNGEBARANG 3:17

Kacara'dekanga napakasannangi tallasa'nu siagang napa'jariko salewangang.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 21:5

“Pabattumi ri Sion, angkanaya nia'mi battu Karaennu mae ri kau. Tunai ri pa'mai', ma'dongko' ri keledai sikayu ana' keledai rungkaya.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 7:24

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.

LUKAS 8:35

Assulu'mi taua battu ri kotaya ero' mange anciniki anjo apa kajarianga. Mangemi ke'nanga ri Isa, na nia'mo nacini' ke'nanga anjo tau le'baka nilappassang ri setanga, ammempo ri dallekanNa Isa. Ammakemi care-care, siagang baji'mi jappana pikkiranna. Malla' ngasemmi ke'nanga.

YOHANES 13:15

Kusare ngaseng mako conto, sollanna nanugaukang todong anjo apa Kugaukanga ri kau.

YOHANES 13:17

Nuasseng ngaseng minne; jari mate'ne mako punna nugaukangi.

LAMPA-LAMPANA 7:37

Ia tomminjo Musa angkanaya ri bansa Israel, ‘LaNasareko Allata'ala sitau na'bi nipilea battu ri tangnga-tangnganu, sangkammaya bateku Napilei.’

1 KORINTUS 9:21

Kupa'jari kalengku sanrapang teaia' tu Yahudi, tenaya natarimai hukkung napabattua Musa. Mingka tena nakutamannurukia ri hukkung-hukkunNa Almasi. Iaji kuappakamma anjo sollanna akkulle kuerang tau kammaya ngaseng anjo mae ri Almasi.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

2 KORINTUS 10:5

kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

FILIPI 2:5

Parallui sangkamma nyawanu siagang nyawaNa Isa Almasi; iamintu:

1 TESALONIKA 4:2

Nasaba' nuassemmi anjo pitunju'-pitunju' le'bakamo kipassareang mae ri kau ngaseng lalang koasaNa Batara Isa.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

1 YOHANES 2:6

Inai-nai angkana asse'rei siagang Allata'ala lalang ri katallassanna, musti sangkammai siagang Almasi batena attallasa'.