MATIUS 11:27 - KITTA' MATANGKASA'

²⁷ Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

MATIUS 11:27 ပူးပေါင်းရင်းမြစ်များ

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YOHANES 13:3

Naassemmi Isa angkanaya le'ba'mi Napassareang ngaseng ManggeNa sikontu koasaya mae ri KalenNa. Na Naasseng todong angkanaya Ia battui ri Allata'ala, nalammotere' poleang mae ri Allata'ala.

YOHANES 17:6

Le'ba' maKi' Kupappiassengang mae ri sikamma tau battua ri anne lino le'baka Kipassareang ri Nakke. IKatte ngaseng pata anjo ke'nanga, na le'ba' ngasemmo Kipassareang ke'nanga mae ri Nakke. Naturukimi ke'nanga kananTa.

YOHANES 3:35

Nakamaseangi Manggea Ana'Na, na Napassareang ngasemmo koasaya ri Ana'Na.

YOHANES 6:46

Mingka manna nakamma, tenanniakka tau le'ba' anciniki Manggea. Tena ruanna Ia anjo battua ri Allata'ala, le'ba' anciniki Manggea.

YOHANES 7:29

INakke Kuassengi lanri battu ri Iami assala' kabattuangKu, siagang Iami assuroA' battu.”

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

1 YOHANES 2:23

Inai-nai tena namangakui Anaka, ma'nassa tena tommo namangakui Manggea. Na inai-nai ammangakui Anaka, ma'nassa namangakui tommi Manggea.

2 YOHANES 1:9

Inai-nai tena nanna'gala' jarre' mae ri pangngajaranNa Almasi, passangalinna ammengkai battu ri apa le'baka Napangngajarrang, anjo taua tena Allata'alana. Inai-nai tuli anna'gala' mae ri pangngajaranNa Almasi, natarima tommi Allata'ala Manggea siagang pole Anaka.