MATIUS 11:25 - KITTA' MATANGKASA'

²⁵ Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MATIUS 11:25 ပူးပေါင်းရင်းမြစ်များ

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 14:22

Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

1 PATTOTTORANG 29:13

Kamma-kamma anne, o Allata'alana ikambe, appala' sukkuruki ikambe mae ri Katte, siagang mammuji ikambe ri areng mala'biritTa.

AYUB 37:24

Lanri kammanami nasiratang nipakalompo ri manna pole inai, na taNajampangia tau nakanaya kalenna cara'de'.”

PAMMUJI 8:2

O, Batara, Allata'alana ikambe, masahoroki koasaTa ri sikontu linoa! KalompoanTa natompoki langika

YESAYA 5:21

Cilakako kau tau nukanaya kalennu cara'de' siagang sanna' porenu!

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

DANIEL 2:23

O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

MATIUS 16:17

Nakanamo Isa, “Upa' sikaliko kau Simon ana'na Yona! Nasaba' teai rupataua ampauangko anne, mingka ManggeKu ri suruga.

MATIUS 21:16

Nakanamo ke'nanga mae ri Isa, “Nulangngere'ji anjo napaua ke'nanga?” Appialimi Isa Nakana, “Iyo, Kulangngere'ji. Tena le'bakapi nubaca apa niaka tattulisi' lalang ri Kittaka angkanaya, ‘Le'ba'mi nuajara' ana'-anaka siagang ana' loloa ampaui kana-kana pammujia’?”

LUKAS 22:42

Battui mange anjoreng, akkulantu'mi nampa appala' doang Nakana, “O Bapa', punna akkulleja, Kipakabellai anne passessa musti Kukasiaka. Mingka teaKi' naerokKu anjari, passangalinna erotTamo bawang anjari.” [

LUKAS 23:34

Appala' doammi Isa Nakana, “O Bapa', pammopporangi anne ke'nanga; nasaba' tanaassengai angkanaya apa anne nagaukanga ke'nanga.” Nalotereimi ke'nanga pakeanNa Isa ero' nabage-bage.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

YOHANES 12:28

Bapa', Kipakala'biri'mi arenTa!” Nia'mo sa'ra kalangngerang battu rate ri langika angkana, “Kupakala'biri'mi, siagang latuli Kupakala'biriki pole.”

LAMPA-LAMPANA 17:24

Allata'ala ampa'jariai anne linoa siagang sikontu bonena, Iami Batarana langika siagang buttaya. Tena nalalang ammantang ri sikamma balla' rewata napareka rupataua.

1 KORINTUS 2:10

Mingka le'ba'mi Napappiassengang RohNa Allata'ala mae ri katte. Iami anjo RohNa Allata'ala ansalidiki ngasengi sikontu apa-apaya, sa'genna pole rancanaNa Allata'ala kaminang taccokkoa.

2 KORINTUS 3:14

Katongkokammi pikkiranna ke'nanga. Na sa'genna ri kamma-kammaya anne sanrapangi tuli natongko' iji bongong pikkiranna ke'nanga ri wattunna nabaca anjo kitta'-kitta' parjanjiang salloa. Iapa nakkulle tassungke anjo bongonga punna a'jari se're taua mae ri KalenNa Almasi.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.