MATIUS 11:17 - KITTA' MATANGKASA'

¹⁷ Nia' angkana, ‘Kelong a'rannu-rannu nikelongang, mingka taerokako akkarena! Kelong tu kamateang nikelongang, mingka taerokako angngarru'!’

MATIUS 11:17 ပူးပေါင်းရင်းမြစ်များ

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

1 KARAENG-KARAENG 1:40

Nampa a'lampa ngasemmo ke'nanga anrurungangi ammotere' siagang akkio' a'rannu-rannu, appasa'ra suling, sa'genna sanrapangi tappue buttaya napakamma anjo kasuarranga.

YESAYA 30:29

Mingka ikau ngaseng, umma'Na Allata'ala, larannuko siagang lakkelongko sangkamma ri wattu bangngi passua'-suarrang agamaya. Larannuko rapang tau a'jappaya nirurungang ri sa'ra suling mange ri Balla'Na Batara ri Yerusalem, mappatojenna Israel.

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

MATIUS 11:16

Apa laKupasanrapangangi anne taua ri jammanga? Sanrapangi ana'-ana' pakarenaya ri passua'-suarranga.

MATIUS 11:18

Battui Yohanes – nappuasa siagang tangnginunga anggoro'; nanupakkanaimo, ‘Tu setangngang!’

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

MATIUS 9:23

Le'baki anjo anrapi'mi Isa ri balla'na anjo pamimping balla' sambayanga. Nia'mo nacini' tau assuling-suling kamateyang, kammayatompa jaimi sa'ra gegere' nalangngere'.

LUKAS 15:25

Anjo wattua, sitabangi nia' ri kokoa ana' bungasaka. Ri wattunna ammotere' nanrapi' ri rampi' ballaka, nalangngere'mi sa'ra sulinga siagang tau a'dansaya.

LUKAS 23:27

Jai tau amminawang a'jappa ri bokoNa Isa – nia' todong siapa are bai'-baine. Angngarru'mi anjo bai'-bainea angkarruki Isa.

LUKAS 7:32

Sanrapangi ke'nanga ana'-ana' ammempoa ri pasaraka; nia' sipa'rappungang akkio' ri maraengannaya angkana, ‘Nikelongang mako kelong a'rannu-rannu, mingka taerokako a'dansa! Nikelongang mako kelong ri kamateanga, mingka taerokako angngarru'!’

LUKAS 8:52

Angngarru'mi siagang appiraung ngasemmi taua angkarruki anjo ana' matea. Mingka Nakanamo Isa, “Teako niakki angngarru'. Anjo anaka tena namate, mingka attinronaja!”