MATIUS 11:11 - KITTA' MATANGKASA'

¹¹ U'rangi laloi anne! Tenanniakka tau le'ba' nia' ri lino lompoanganga na Yohanes Paje'ne'. Mingka manna nakamma mamo, inai-nai kaminang tuna ri umma'Na Allata'ala, lalompoangangi na Yohanes.

MATIUS 11:11 ပူးပေါင်းရင်းမြစ်များ

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

AYUB 14:4

Maka akkullei tau dorakaya appa'nia' apa sukku' baji'na?

AYUB 15:14

Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 25:4

Maka akkullei rupataua tangkasa' ri paccini'Na Allata'ala? Maka akkullei ti'no' ri matanNa?

PAMMUJI 51:5

Saba' kuakui sikamma kasalangku, tuli kuu'ranginna dosaku.

YESAYA 30:26

Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

ZAKHARIA 12:8

Anjo alloa iNakke lalla'langngi pandudu'na Yerusalem; siagang manna kaminang lammaya ri alla'na ke'nanga la'jari kammai gassinna Daud. Laniului ke'nanga ri jari-jarina Daud sanrapang niulu ri malaekakKu, ba'lalo sanrapang KalengKu angngului.

MATIUS 11:10

Nasaba' iaminjo Yohanes niaka nisero kana lalang ri Kittaka angkanaya, ‘Nakana Allata'ala, iaminne tunisuroKu, Kusuroa a'lampa rioloanganNu sollanNu nasungkeang oloang.’

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

MATIUS 3:1

Anjo wattua nia'mi Yohanes Paje'ne' battu ri parang lompoa ri Yudea. Appakkaramulami akkato'ba nakana,

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

MATIUS 5:19

Lanri kammana, inai-nai andakkai kalase'renna anjo parentaya, manna nakaminang ca'diaja, nampa naajara' todong paranna tau a'gau' kamma, iaminjo taua la'jari kaminang ca'di ri umma'Na Allata'ala. Mingka inai-nai anturuki anjo sikamma parentaya, nampa naajara' todong paranna tau anggaukangi, iaminjo taua sallang la'jari malompo ri umma'Na Allata'ala.

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LUKAS 7:28

Nakana pole Isa, “U'rangi angkanaya tenale'bakapi nia' tau lompoangang na Yohanes Paje'ne' ri anne linoa. Mingka inai-nai kaminang ca'di ri umma'Na Allata'ala, iami lompoangang na Yohanes Paje'ne'.”

LUKAS 9:48

Nampa Nakana ri ana'-ana' gurunNa, “Inai-nai antarimai anne anaka passabakkang iNakke, battuanna iNakkemi natarima. Na inai-nai antarimA', battuanna natarima tommi Allata'ala assuroA' battu. Nasaba' inai-nai kaminang tuna ri kau, iami kaminang la'biri'!”

YOHANES 1:15

Battui Yohanes a'jari sa'biNa, nakabarrammi angkana: “Iaminne kupaua: Laniaki battu ri bokoangangku, mingka lompoangangi nainakke, nasaba' inakke tenapa', nania' memammo Ia.”

YOHANES 1:27

Ia battu ri bokoangangku, mingka manna alla'gasiangi passikko' sapatuNa tena todong nakusiratang.”

YOHANES 10:41

Jaimi tau battu mae ri Ia. Nakanamo ke'nanga, “Tena gau' appakalannasa' nagaukang Yohanes, mingka sikontu apa napaua ri passala'na anne Taua annaba ngasengi.”

YOHANES 3:30

Iami musti a'jari pila' niparalluangang, na inakke a'jari pila' kurang niparalluamma'.”

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

1 KORINTUS 15:9

Inakkemi suro kaminang tunaNa Batara. Tena nakusiratang nigallara' tunisuro, nasaba' le'baki kusessa jama'aNa Allata'ala.

1 KORINTUS 6:4

Jari punna ammumba parkara kammaya anjo maka lanuerangi mae ri tu tena sikalia empoanna lalang ri jama'aka?

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

2 TIMOTIUS 1:10

Na kamma-kamma anne, Napa'nyatami pangngamaseang malammoro'Na Allata'ala mae ri katte lalang ri kabattuanNa Karaeng Mappasalamatta, Iamintu Isa Almasi. Nabetami Isa kakoasanna kamateanga siagang angngerammi katallassang mannannungang lalang ri anjo Kabara' Bajika.

IBRANI 11:40

nasaba' nia' ero' Nagaukang Allata'ala mae ri katte, ia la'bi bajikanganga. Ia eroka Nagaukang iamintu punna tena nasipa'rurungang ke'nanga siagang ikatte, takkulleai ke'nanga a'jari sukku' baji'na.

1 PETRUS 1:10

Iami anjo kasalamakkang napilajari bajika siagang nasalidikia na'bi-na'bia; siagang napau la'bi riolomi ke'nanga barakka' Napassareanga Allata'ala mae ri kau.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.