MATIUS 11:10 - KITTA' MATANGKASA'

¹⁰ Nasaba' iaminjo Yohanes niaka nisero kana lalang ri Kittaka angkanaya, ‘Nakana Allata'ala, iaminne tunisuroKu, Kusuroa a'lampa rioloanganNu sollanNu nasungkeang oloang.’

MATIUS 11:10 ပူးပေါင်းရင်းမြစ်များ

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

MATIUS 11:11

U'rangi laloi anne! Tenanniakka tau le'ba' nia' ri lino lompoanganga na Yohanes Paje'ne'. Mingka manna nakamma mamo, inai-nai kaminang tuna ri umma'Na Allata'ala, lalompoangangi na Yohanes.

MATIUS 11:3

“Maka iKatte mintu le'baka Napa'janjiang Allata'ala? Yareka musti lanitayanginji maraenganga?”

MATIUS 3:3

Iaminne Yohanes natabaya kananna Na'bi Yesaya ri wattunna angkana, “Nia' tau akkiok-kio' ri parang lompoa angkana, ‘Pasadiai oloanNa Batara; Lappari oloang laNaoloa.’ ”

MARKUS 1:2

Pakkaramulanna anjo Kabara' Bajika sangkammai le'baka natulisi' Na'bi Yesaya angkanaya, “Nakana Allata'ala, ‘Iaminne tunisuroKu; Kusuroi a'lampa rioloanganNu, sollanNu nasungkeang oloang.’

LUKAS 1:76

Ikau anakku, lanigallarakko na'biNa Allata'ala Kaminang Tinggia. Nisuroko rioloangangnganNa Bataraya untu' ampasadiai oloang laNaoloa,

YOHANES 1:23

Appialimi Yohanes, nakana, “Inakke minne le'baka nasero kana Na'bi Yesaya ri wattunna angkana, ‘Tau akkio'-kioka ri parang lompoa angkana: Lappari oloang laNaoloa Batara.’ ”