MATIUS 10:37 - KITTA' MATANGKASA'

³⁷ Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

MATIUS 10:37 ပူးပေါင်းရင်းမြစ်များ

PA'JARIANG 21:11

Tena sikali nasannang pa'mai'na Abraham allangngereki pappala'na anjo Sara, lanri anjo Ismael ana'na tongi.

ZAKHARIA 13:3

Na punna nia' ija tau nakana kalenna appabattui pasang, kalenna anrong manggena langkana ri ia angkana musti nihukkung matei lanri appauna kana balle-balle. Punna tuli nakana ija kalenna na'bi, lanicokai sa'genna mate ri manggena siagang amma' kalenna.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

MATIUS 22:8

Le'baki anjo nakio'mi pala'-palayanna maraenganga. Nakana ri ke'nanga, ‘Sadiami passua'-suarranga, mingka tena ngaseng nasiratang anjo tau le'baka niburittai.

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

LUKAS 20:35

Mingka tau siratanga nipattallasa' poleang battu ri kamateanga, siagang lattallasaka sallang ri jammang labattua, tenamo nala'bunting.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.

PAPPICINI' 3:4

Mingka ri tangnga-tangnganu ri Sardis, nia' ija tau anjagai sollanna tuli tangkasa' pakeanna. Anjo ke'nanga lassiagangA' a'jappa ammakeang kebo', nasaba' nipassiratangi ke'nanga untu' anjo.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?