MATIUS 10:26 - KITTA' MATANGKASA'

²⁶ “Teako mallakki ri ma'rupataua. Tenanniakka apa-apa taccokko talakacinikang sallang; siagang tenanniakka apa-apa nicokkoi talakaassengang sallang.

MATIUS 10:26 ပူးပေါင်းရင်းမြစ်များ

PANGNGEBARANG 10:9

Tau lambusuka, amangi tallasa'na; tau annipua lakaassengangi.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

KATO'BA 12:14

LaNaadeli ngasengi Allata'ala sikontu panggaukanta; ia bajika siagang kodia, ba'lalo manna pole toccokkoa.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YEREMIA 1:8

Teako mallakki mae ri ke'nanga, nasaba' iNakke lanrurungangko untu' anjagaiko. INakke Batara, anne akkana!”

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

MARKUS 4:22

Tenanniakka apa-apa taccokko talakacinikang; siagang tenanniakka rahasia talatassungke.

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

LUKAS 8:17

Tenanniakka apa-apa taccokko talakacinikang; siagang tenanniakka apa-apa nirahasiakang talatassungke siagang talakaassengang.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 4:13

Lannasa' ngasemmi anggota-anggotana anjo Pangadelanga anciniki kabaranianna Petrus siagang Yohanes. La'biangampa pole nanaassennamo ke'nanga angkanaya anjo Petrus siagang Yohanes tau biasaji bawang, tutenaya sikolana. Nasadarimi ke'nanga angkanaya anjo tau ruaya ana' gurunNa Isa.

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.