MATIUS 10:24 - KITTA' MATANGKASA'

²⁴ Takkulleai lompoangang ana' gurua na gurunna; kammayatompa takkulleai lompoangang palayanga na karaenna.

MATIUS 10:24 ပူးပေါင်းရင်းမြစ်များ

2 SAMUEL 11:11

Appialimi Uria angkana, “Tantara Israel siagang Yehuda sitabangi a'bundu' tojeng-tojeng siagang nirurungangi ke'nanga ri Patti ParjanjianNa Batara; Yoab panglimana ikambe siagang sikamma perwiraya niaki akkema ri paranga. Angngapa naanne atanta ammotereki mae ri balla', angnganre angnginung siagang attinro siagang bainenna? Lanri nyawana karaengku siagang lanri nyawana atanta, tena nalanagaukang atanta anjo kammaya!”

MATIUS 10:25

Sukku'mi sa'genna punna a'jari sangkamma ana' gurua siagang gurunna; yareka a'jari sangkamma palayanga siagang karaenna. Punna nigallara'mo Pinggawa setang kapala ruma tanggaya, la'biangampa pole kodina lanigallarrangi bone balla'na!”

LUKAS 6:40

Tena ana' guru la'jari lompoangang na gurunna. Mingka punna le'ba'mo appilajara' ana' gurua, lasangkammami gurunna.

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.