MATIUS 10:21 - KITTA' MATANGKASA'

²¹ Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

MATIUS 10:21 ပူးပေါင်းရင်းမြစ်များ

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

AYUB 19:19

Punna nacinikka', sanna' malla'na bela bajikku; nibokoia' ri sikamma tu kukamaseanga.

PAMMUJI 50:20

Ikau tulusu' nupitinai sari'battannu, nupakka'-pakkanai sari'battang tangka'nu.

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

ZAKHARIA 13:3

Na punna nia' ija tau nakana kalenna appabattui pasang, kalenna anrong manggena langkana ri ia angkana musti nihukkung matei lanri appauna kana balle-balle. Punna tuli nakana ija kalenna na'bi, lanicokai sa'genna mate ri manggena siagang amma' kalenna.

MATIUS 24:10

Na anjo wattua jai tau lammono'boko; jai lanynyaleweng, siagang lasikabirisi massing para ia.