MATIUS 10:15 - KITTA' MATANGKASA'

¹⁵ U'rangi! Angkanaya ri Allo Kiamaka sallang, lakkulleangangi nipammopporang tau niaka ri kota Sodom siagang Gomora, kala ia anjo tau niaka lalang ri kotaya!”

MATIUS 10:15 ပူးပေါင်းရင်းမြစ်များ

MATIUS 12:36

Jari u'rangi laloi anne: ri Allo Kiamaka sallang, massing lanatanggong jawakki rupataua sikontu bicaranna tenaya matu-matunna.

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

MATIUS 7:22

Punna narapi' sallang allonna niadeli taua, jai tau lakkiok-kio' ri Nakke angkana, ‘O, Batara, o, Batara, sai lalang arenTa tonji le'ba' kupabattu pappasanNa Allata'ala? Sai lalang arenTa tommi le'ba' kubongka setanga, anggaukangi gau' appakalannasaka?’

MARKUS 6:11

Mingka punna battuko ri se'reang tampa', na taeroka taua anjoreng antarimako siagang ampilangngeriko, bokoimi anjo tampaka. Siagang be'besangi limbu'bu niaka ri pala' bangkennu, a'jari pappakainga' mae ri ke'nanga!”

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

YOHANES 6:39

Na iaminne ero'Na anjo assuroA' battu: sikamma tau nipassareanga ri Nakke, manna se're talania' tappela'; passangalinna laKupabangung poleangi ke'nanga battu ri kamateanga, ri Allo Kiamaka sallang.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

1 TESALONIKA 5:4

Mingka ikau ngaseng, teaiko tau lalanga ri kasassanganga attallasa', sa'gennu a'jari ta'bangka punna kajariang anjo passalaka, sanrapang tau nibattui ri palukka'.

IBRANI 10:25

Teako takkaluppai tuli a'rappungang, sangkamma tau maraenga. Ikatte paralluki' la'bi tamalanre massing sipakajarre'; nasaba' niassengi angkanaya tasalloami Nabattu poleang Batara.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,

2 PETRUS 3:7

Mingka anne langika siagang buttaya ri kamma-kammaya anne, niparakaia todong siagang kananNa Allata'ala, laniancuru' tongi sallang siagang pepe'. Kamma-kamma anne niparakai iji langika siagang buttaya sa'genna narapi' allonna lanihukkung siagang niancuru' sikontu tau tenaya natappa' ri Allata'ala.

1 YOHANES 4:17

Nipa'jari sukkuki pangngamaseanga lalang ri atinta, sollanna nakia'jari barani ri Allo Pangadelanga. La'jari baraniki', nasaba' sangkammami carata attallasa' ri anne linoa siagang caraNa Almasi attallasa'.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.