MATIUS 1:19 - KITTA' MATANGKASA'

¹⁹ Anjo Yusuf tuli tutui anggaukangi gau' tojenga situru' napangngajarranga agamana. Taerokai ampelakkangi siri'na Maria ri dallekanna tau jaia. Jari ero'mi a'lampa cokko-cokko ambokoi Maria.

MATIUS 1:19 ပူးပေါင်းရင်းမြစ်များ

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

KAIMANGNGANG 19:20

Punna nia' tu bura'ne a'janji ero' ambalukangi ata bainena mae ri bura'ne maraenga untu' napa'jari baine piarana, nampa anjo tau eroka amballi tenapa nabayaraki, na anjo patannaya ata assikatinroangi rolong siagang anjo ataya, anjo tau ruaya musti nihukkungi; mingka takkulleai nihukkung mate, nasaba' manna antekamma anjo bainea atanna tongiji.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

MARKUS 10:4

Appialimi ke'nanga angkana, “Nakellaiji Musa taua antallaki bainenna, assala' napapparekang rolong sura' talla'.”

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LAMPA-LAMPANA 10:22

Appialimi ke'nanga angkana, “Kapiteng Kornelius ansuroi anne ikambe battu mae. Anjo Kornelius tau baji', siagang tau malla' ri Allata'ala, kammayatompa sanna' nipakalompona ri sikamma tu Yahudia. Niaki malaeka'Na Allata'ala ansuroi sollanna nasuro kiokki' mange ri balla'na. Iaminjo ampa'nassai angkanaya nipilangngerimi pappala' doanna ri Allata'ala, punna akkullemo nalangngere' apa lakipabattua mae ri ia.”

LAMPA-LAMPANA 27:39

Ri wattunna singara'mo, accini'mi bonto ana'-ana' kappalaka, mingka tanaassengai ke'nanga angkana apa arenna anjo bontoa. Nia' nacini' ke'nanga bonto ca'di siagang birinna. Jari ero'mi ke'nanga angngerangi kappalaka mange anjoreng punna akkulleja.

2 KORINTUS 1:15

Lanri tappakkumo ri anne passalaka nakuero'mo pirangalloang battu angkunjungi ngasengko, sollanna a'lappi rua barakka' nugappaya.

PAOLE 22:20

Mingka ebara' angkana kammatojengi anjo tuduhanga, siagang tena butti angkanaya ma'nassa tulolo iji anjo bainenna ri wattunna a'bunting ke'nanga,