MATIUS 1:17 - KITTA' MATANGKASA'

¹⁷ Jari, punna nisusungi appakkaramula battu ri Abraham sa'genna Daud nia' sampulo angngappa' lapisi'na sossorang. Na punna nisusung battu ri Daud sa'genna ri wattunna nipela' bansa Israel mange ri butta Babel nia' todong sampulo angngappa' lapisi'na sossorang. Kammayatompa punna nisusung battu ri wattunna nipela' bansa Israel mange ri butta Babel sa'genna nilassukang Almasi nia' todong sampulo angngappa' lapisi'na sossorang.

MATIUS 1:17 ပူးပေါင်းရင်းမြစ်များ

2 KARAENG-KARAENG 24:14

Karaeng Yoyakhin, amma'na, sikamma bainenna, pagawe-pagawena, siagang pamimping-pamimpinna tu Yehuda, kabusu'na nia' 7.000 tau parallu, nitahangi siagang niengkaki mange ri Babel. Kammayatompa sikontu tau cara'deka siagang panre bassia nia' 1.000, kabusu'na sangnging tau kassa' ngaseng siagang tau barani untu' a'bundu'. Bija-bija karaenga siagang pamimping-pamimpinga niengka' kabusuki mange ri pa'rasangang pammelakkanga, yangasenna nia' 10.000 jaina tau. A'biringi sikontu pandudu'na Yerusalem niengka' a'lampa; ia ammantanga iamami ra'ya' kaminang kasi-kasia.

MATIUS 11:2

Nalangngere'mi Yohanes, niaka lalang ri tarungkua, sikamma apa le'baka Nagaukang Isa Almasi. Nasuromi siapa are ana'-ana' gurunna mange akkuta'nang ri Isa angkana,

YOHANES 1:41

Akkaro-karomi Andreas amboyai Simon, iamintu sari'battanna, na nakana ri ia, “Ikambe assibuntulu' maki' siagang Mesias!” (Mesias sangkammai battuanna siagang Almasi, iamintu: Karaeng Mappasalama'.)