MARKUS 9:7 - KITTA' MATANGKASA'

⁷ Nampa battu rammanga antongkoki ke'nanga. Na battu lalang ri rammanga, nia'mo sa'ra angkana, “Iaminne AnakKu Kukamaseanga. Pilangngerimi kananNa!”

MARKUS 9:7 ပူးပေါင်းရင်းမြစ်များ

PAMMUJI 2:7

Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

KALAPPASSANG 24:16

Naummi caya kahaderanNa Batara irate ri anjo monconga na nacini' tu Israel rapang pepe' a'rinra rate ri coppo'na monconga. Annang allo sallona rammanga antongkoki anjo monconga; na ri allo makatujua Nakio'mi Batara anjo Musa battu ri anjo rammanga.

KALAPPASSANG 40:34

Nampa naummo rammanga antongkoki KemaNa Batara, siagang rassimi anjo Kemaya siagang caya kahaderanNa Batara.

DANIEL 7:13

Lalang paccinikku ri anjo bangngia, nia' kucini' sangkamma rupatau. Battui na nikulilingi ri rammang, nampa a'lampa mange ri Ia anjo mattallasaka satunggu-tungguna siagang nipappiassengang mae ri ia.

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

MARKUS 1:11

Nampa nia' sa'ra Nalangngere' iamintu sa'ranNa Allata'ala battu rate ri langika angkana, “IKaumi AnakKu Kukamaseanga. IKaumi nakate'neanga atingKu.”

MARKUS 9:6

Sikontutojenna tanaassengai Petrus angkana apa anjo ero' napau, nasaba' malla'na ngaseng ke'nanga.

MARKUS 9:8

Linta'mi accini' mange ri tammulilina ke'nanga. Mingka tenamo nacini' manna sitau angngagangi ke'nanga, pantaranganna Isa.

LUKAS 3:22

na manurummo RohNa Allata'ala irateanganNa, sangkamma jangang-jangang bodobangkeng. Nampa nia' kalangngerang sa'ranNa Allata'ala battu ri suruga angkana, “IKaumi AnakKu Kukamaseanga. IKaumi ampakasannangi atingKu.”

YOHANES 1:34

Nakana Yohanes, “Inakkemi kalengku le'ba' anciniki, siagang inakkemi a'jari sa'bi angkanaya Iaminjo Ana'Na Allata'ala.”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 12:28

Bapa', Kipakala'biri'mi arenTa!” Nia'mo sa'ra kalangngerang battu rate ri langika angkana, “Kupakala'biri'mi, siagang latuli Kupakala'biriki pole.”

YOHANES 19:7

Appialimi tu Yahudia angkana, “Situru' undang-undang niaka ri kambe, musti nihukkung matei antu Taua, nasaba' Nakanai KalenNa Ana'Na Allata'ala.”

YOHANES 20:31

Mingka nitulisi'mi sikammaya anne niaka nitulisi', sollannu tappa' ngaseng angkanaya Isa Iami Karaeng Mappasalama', Ana'Na Allata'ala; na lanri tappa'nu ri Ia, nanugappamo katallassanga.

YOHANES 5:18

Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

YOHANES 5:37

Siagang Nasuro tongA' Manggea a'jari sa'bi ri KalengKu. Tena le'bakapi nulangngere' sa'ranNa, yareka nucini' rupanNa.

YOHANES 6:69

Tappa'mi ikambe siagang jarre'mi ri atinna ikambe angkanaya iKattemi Tu Matangkasa' nisuroa battu ri Allata'ala.”

YOHANES 9:35

Nalangngere'mi Isa angkanaya tanikellaiami anjo tau le'baka Naballei antama' ri balla' sambayanga. Naboyami anjo taua nampa Nakana ri ia, “Tappa'jako ri Ana' Ma'rupataua?”

LAMPA-LAMPANA 1:9

Le'baki akkana kamma Isa, niangka'mi nai' ri suruga, nicini' ngaseng ri ke'nanga, sa'genna nitongko' ri rammanga natanicinikamo ri ke'nanga.

LAMPA-LAMPANA 7:37

Ia tomminjo Musa angkanaya ri bansa Israel, ‘LaNasareko Allata'ala sitau na'bi nipilea battu ri tangnga-tangnganu, sangkammaya bateku Napilei.’

LAMPA-LAMPANA 8:36

Ri tangngana aganga; anrapi'mi ke'nanga mange ri se'reang tampa' niaka je'ne'na. Nakanamo anjo pagawea, “Ciniki, anjo mae nia' je'ne'! Apapi pole kakuranganna punna erokka' nije'ne'?” [

ROMA 1:4

mingka lalang kakaraenganna, ma'nassa Iami Ana'Na Allata'ala. A'buttimi anjo lalang ri koasa malompoNa, iamintu lalang ri attallasa'Na ammotere' battu ri kamateanga.

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.

2 PETRUS 1:17

Niakki' anjoreng ri wattunna nipakalompo siagang nipakala'biri' ri Allata'ala Manggea. Anjo wattua kalangngerammi sa'ra battua ri Kaminang Makoasaya, angkanaya, “Iaminne AnakKu Kukamaseanga. Iami nakate'neang atingKu!”

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!