MARKUS 7:9 - KITTA' MATANGKASA'

⁹ Nampa Nakana pole Isa, “Cara'de' sikaliko ansorongbokoi apa Napassuroanga Allata'ala, sollanna akkulle nupakajarre' atorang kalennu.

MARKUS 7:9 ပူးပေါင်းရင်းမြစ်များ

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

YESAYA 24:5

A'jari rantasaki buttaya lanri pandudu'na nadakkai sikamma parentaNa Allata'ala, napinrai sikamma apa le'baka Napattantu Allata'ala, siagang tanarupaiyai ke'nanga parjanjiang le'baka Napare' siagang ke'nanga untu' satunggu-tungguna.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

MARKUS 7:13

Jari, battu ri pangngajarrannu ngaseng tonji, na nupattaenamo kana-kananNa Allata'ala. Jai pole apa sangkammaya anne nugaukang ngaseng.”

MARKUS 7:3

Anjo tu Farisia, kammayatompa sikontu tu Yahudia, sanna' sikali nakatutuina ada'-ada'na tu riolona ke'nanga. Tena nangnganre ke'nanga punna tena nabissai rolong limanna ke'nanga manuru' cara-cara nipattantua.

MARKUS 7:5

Lanri kammana minjo nakkuta'nammo tu Farisia siagang guru-guru agamaya mae ri Isa, angkana, “Angngapa natena nabissai limanna ana'-ana' gurunNu punna ero' angnganre? Apa saba'na natena naturuki ana'-ana' gurunNu ada'-ada'na tu riolota?”

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

2 KORINTUS 11:4

Nasaba' kamma kusa'ring tuli sannangko antarima ngasengi tau battua mae ri kau angngajara' ri sesena Isa maraengannaya; jari teai Isa kipangngajarranga mae ri kau napangngajarrang ke'nanga. Na nuero' todong antarimai anjo roh siagang “kabara' baji'” sanna' sikali simmaraenna siagang RohNa Allata'ala yareka Kabara' Baji' le'baka nutarima battu ri kambe.

GALATIA 1:14

Ri passala'na anggaukangai pangngajaranna agama Yahudia, inakkemi kaminang la'bi ri sikontu tu Yahudi sanrungka-rungkaku. Inakkemi kaminang rajeng angkatutui ada'na boe-boena ikambe.

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.