MARKUS 7:7 - KITTA' MATANGKASA'

⁷ Tena matu-matunna ke'nanga anynyomba ri Nakke, Nasaba' atorang rupatau napangngajarrang sangkamma angkana iaminjo pangatorangKu!’

MARKUS 7:7 ပူးပေါင်းရင်းမြစ်များ

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

MATIUS 15:9

Tena matu-matunna anynyomba ke'nanga ri Nakke, nasaba' atorang rupatauji napangngajarrang kamma le'ba' angkana iaminjo atorang Kupassareanga.’ ”

MATIUS 6:7

Na punna assambayangko, tea' mako la'bu dudui bicarannu, sangkamma tau kapereka. Nasaba' napikkiriki anjo tau kapereka angkanaya punna la'bu sambayanna, iaminjo lanitarima ri Allata'ala.

1 KORINTUS 15:14

Siagang ebara' angkana tena nanipattallasa' poleang ammotere' Almasi battu ri kamateanga, tenamo matu-matunna anjo apa le'baka nabirittakang ikambe; kammayatompa tena tommo matu-matunnu a'jari tappa', nasaba' tena panna'galanna anjo katappakkannu.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

KOLOSE 2:22

Sikontu anjo paratoranga tassikaliji nipake ri apa-apaya natenamo matu-matunna. Anjo paratorang-paratoranga siagang pangngajarang-pangngajaranga rupatauaji ampareki.

TITUS 3:9

Pakabellai kalennu battu ri pa'gea'-geakkang tenaya matu-matunna siagang carita-carita pattottoranga. Liliangi pa'beseranga siagang passiba'jianga ri passala'na hukkung-hukkung agamaya. Yangasenna anjo tena matu-matunna siagang tena wassele'na.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

PAPPICINI' 22:18

Mae ri sikamma tau allangngerekai kana-kana nipau la'bi rioloa lalang ri anne Kittaka, inakke, Yohanes, iaminne kupakaingakkangko: Inai-nai antambai anne kana-kana le'baka nipau la'bi riolo, lanitambai tongi hukkunganNa ri Allata'ala, sangkamma bala niaka nipau lalang ri anne kittaka.

1 SAMUEL 12:21

Teako amminawangngi ri rewata-rewata tenaya nakkulle antulungko siagang ampasalamakko, nasaba' anjo ke'nanga sikontutojenna apa-apa taena battuanna.