MARKUS 5:41 - KITTA' MATANGKASA'

⁴¹ Nata'gala'mi Isa limanna anjo anaka, nampa Nakana ri ia, “Talita kum,” battuanna, “E ana' baine, Kukana ri kau: ambangungko!”

MARKUS 5:41 ပူးပေါင်းရင်းမြစ်များ

PA'JARIANG 1:3

Nakanamo Allata'ala, “A'jariko singaraka!” Nampa nia'mo singaraka.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

MARKUS 1:31

Mangemi Isa anta'galaki limanna anjo matoang bainena Simon, nampa nabantu ambangung. Ammarimi rammusu', siagang appakkaramulami allayani ke'nanga.

MARKUS 1:41

Tu'guru'mi pangngamaseanNa Isa anciniki anjo taua. Jari Nata'gala'mi anjo taua na Nakana, “Kukaerokangi, a'jari baji' mako!”

MARKUS 5:40

Nikakkalimi Isa ri ke'nanga, lanri akkana kammana. Mingka Nasuro ngasemmi Isa assulu' ke'nanga. Nampa Naerang anrong-manggena anjo anaka siagang anjo tallua ana' gurunNa antama' ri kamara'na anjo anaka.

MARKUS 5:42

Ambangummi nai' anjo ana' tuloloa, nampa a'jappa. (Sampulomi anrua taung umuru'na.) Takkajannang ngasemmi sikamma tau niaka anciniki anjo kajarianga!

ROMA 4:17

Nasaba' kammaminne kananNa Allata'ala mae ri Abraham, “Kupa'jari mako bapa'na jaia bansa ri lino.” Kammaminjo bateNa Allata'ala assarei janji Abraham. Natappa'mo Abraham mae ri Ia. Iami Allata'ala ampattallasa' poleangai ammotere' tau matea; Ia tommi Allata'ala poro akkanayaji bawang nakkullemo Napa'jari nia' apa-apa tenaya nale'ba' nia'.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.