MARKUS 5:2 - KITTA' MATANGKASA'

² Kamma Naunna Isa battu ri biseanga, nia'mo sitau bura'ne assulu' battu ri pa'jerakkanga, mae ri Ia.

MARKUS 5:2 ပူးပေါင်းရင်းမြစ်များ

YESAYA 65:4

Punna bangngi a'lampai ke'nanga mange ri kali'bong-kali'bong batua siagang sikamma kuburuka untu' appala' tangara' mae roh-rohna alusuka. Angnganrei ke'nanga dageng bawi siagang angnginungi je'ne' dageng haranga.

MARKUS 1:23

Anjo wattua nia' sitau tu nisoso' ri roh ja'dalaka antama' ri balla' sambayanga. Akkio'-kioki nakana,

MARKUS 1:26

Naparuntang-runtang sanna'mi roh ja'dalaka anjo taua, nampa ammarrang lompo siagang assulu' battu ri kalenna anjo taua.

MARKUS 3:30

Nakkana kamma Isa, lanri nia'na tau angkana nipantamakki Isa ri roh ja'dalaka.)

MARKUS 3:9

Lanri sanna' jaina tau, Nasuromi ana'-ana' gurunNa Isa appasadia biseang, untu' KalenNa sollanna akkulle nai' anjoreng na tanisorong-soronga ri tau jaia.

MARKUS 4:1

Angngajara'mi pole Isa ri biring Tamparang Galilea. Sanna' jaina tau battu allipungi. Jari nai'mi ammempo ri se'reang biseang attompo' ri je'ne'. Na anjo tau jaia anjoreng ngasengi ri biring tamparanga ammenteng.

MARKUS 4:36

Jari antama'mi ana'-ana' gurunNa ri biseanga. Nia' memammi Isa antama' riolo ri biseanga. Nabokoimi anjo tau jaia ri biring tamparanga. A'lampami Isa siagang ana'-ana' gurunNa. Nia' todong biseang-biseang maraeng anjoreng.

MARKUS 5:21

Ammotere'mi pole Isa anta'leang ri ba'leanna anjo tamparanga. Anjoreng ri birinna tamparanga jaimi tau battu a'rappungang ri tammuliliNa Isa.

MARKUS 5:3

Anjo taua nisosoki ri setang, siagang anjorengi ri pa'jerakkanga ammantang. Takkulleami nisikko', nasaba' manna rantea natappu' ngaseng.

MARKUS 5:8

Nakkana kamma anjo taua, lanri Nakanana Isa ri ia, “Ikau roh ja'dalaka, assulukko battu lalang ri kalenna anne taua!”)

MARKUS 7:25

Nia' sitau baine, nasosoki setang ana' bainena. Nalangngere'mi kabara'na Isa. Battumi mae ri Isa nassu'ju' ri dallekanNa.

LUKAS 8:27

Ri wattunna naummo Isa ri bontoa, nia'mo sitau bura'ne napantamakki setang, battu anruppai. Anjo taua tau battu ri kotaya. Sallomi taccare-carea siagang tammantanga ri balla'. Anjoreng mami ri kali'bong pa'jerakkang batua ero' ammantang.

LUKAS 9:42

Lalang a'jappana anjo anaka mae ri Isa, nipatappasa'mi anjo anaka ri anjo setanga, siagang a'jari ka'doro'mi kalenna. Mingka niga'gara'mi ri Isa anjo roh ja'dalaka, sollanna assulu', na'jari baji'mo anjo anaka. Nampa nipassareang anjo anaka ammotere' mange ri manggena.