MARKUS 5:12 - KITTA' MATANGKASA'

¹² Napala'mi anjo roh-roh ja'dalaka ri Isa, nakana, “Suro ngasemma' antama' anjoreng ri bawi-bawia.”

MARKUS 5:12 ပူးပေါင်းရင်းမြစ်များ

AYUB 2:5

Ebara' angkana Kipa'risi tubuna, mattantu lanatunrai memang maKi' lalang silalonna!”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

MARKUS 5:11

Tena nabella battu ri anjo tampaka, jai sikali bawi sitabang a'boya kanre ri bonto-bontoa.

MARKUS 5:13

Niturukiammi ri Isa. Jari assulu'mi anjo roh-roh ja'dalaka, nampa antama' anjoreng ri bawi-bawia. Anjo bawia nia' ruassa'bu jaina. Lari ngasemmi anjo bawia, nampa a'lumpa' battu ri birinna ta'binga naung ri tamparanga, sa'genna tallang ngaseng.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.