MARKUS 4:8 - KITTA' MATANGKASA'

⁸ Na nia' todong bine tu'guru' ri butta copponga. Attimboi anjo binea, sa'genna pila' lompo nampa a'rappo. Nia' a'rappo a'lappi tallumpulo, nia' a'lappi annampulo, kammayatompa nia' a'lappi sibilangngang.”

MARKUS 4:8 ပူးပေါင်းရင်းမြစ်များ

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YEREMIA 23:29

KanangKu rapangi pepe', siagang rapangi palu-palu angngancuruka batu!

MATIUS 13:23

Na anjo bine takkioroka ri butta copponga, iaminjo pangngebarang mae ri sikamma tau allangngerekami anjo kabaraka siagang napahang baji'-baji'. Jaimi rapponna ke'nanga, nia' a'lappi sibilangngang, nia' a'lappi annampulo, siagang nia' a'lappi tallumpulo wassele'na.”

MATIUS 13:8

Mingka nia' todong bine takkioro' ri butta copponga. Baji'mi attimbona anjo binea, coppongi poko'na, najai rapponna; nia' a'lappi sibilangngang, nia' a'lappi annampulo, siagang nia' todong a'lappi tallumpulo jaina rapponna.”

MARKUS 4:20

Na anjo bine tu'guruka ri butta copponga, iaminjo pangngebaranna tau allangngerekai siagang antarimayai anjo kabaraka. A'rappomi ke'nanga, na jai rapponna: nia' a'lappi tallumpulo, nia' a'lappi annampulo, na nia' todong a'lappi sibilangngang wassele'na.”

MARKUS 4:7

Nia' todong bine tu'guru' ri alla'na ruku'-ruku' akkatintinga. Mingka ri wattunna accu'la', takkulleami a'rappo lanri nibetai ri anjo ruku'-ruku' akkatintinga.

MARKUS 4:9

Le'baki Nacarita Isa anjo pangngebaranga, Nakanamo, “Nasaba' nia' ngaseng tolinnu, pilangngerimi!”

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

LUKAS 8:8

Mingka nia' todong bine takkioro' ri butta copponga, nampa attimbo, na'lappi sibilangngang rapponna.” Le'baki Nacarita Isa anjo pangngebaranga, Nakanamo Isa, “Punna nia' tolinnu pilangngerimi!”

YOHANES 15:5

INakkemi sanrapang poko' anggoro', na ikau ngasemmi sanrapang tangke-tangkenna. Inai-nai tuli asse're siagang iNakke naKuasse're siagang ia, iami la'rappo jai; nasaba' punna pantarang KalengKuko, tena apa-apa lakkulle nugaukang.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

EFESUS 2:21

Iami ansusungi anjo sikontu bangunanga, a'jari Balla' matangkasa'Na Allata'ala, untu' KalenNa Batara.

FILIPI 1:11

Lakala'biang mako ri sikamma panggaukang bajika; iamintu jama-jamang KalenNaya bawang Isa akkulle anggaukangi; naporo nipakala'biri'mo siagang nipuji-pujimo Allata'ala.

KOLOSE 1:6

Tassiara'mi anjo kabaraka alla'bang lino. Na nibarakkakimo katallassanna rupataua lanri anjo birittaya; sangkamma todong nibarakkakimi katallassannu appakkaramula ri nulangngere'na anjo passare malammoro'Na Allata'ala na nupahang baji'-baji'.