MARKUS 4:5 - KITTA' MATANGKASA'

⁵ Nia' todong tu'guru' ri butta jaia batu-batunna. Lanri kuranna buttana linta'mi attimbo anjo binea;

MARKUS 4:5 ပူးပေါင်းရင်းမြစ်များ

YEHEZKIEL 11:19

LaKuberui atinna siagang panggaukanna ke'nanga. Atinna ke'nanga terasaka sanrapang batu laKuallei nampa Kusambei siagang ati mannurukia mae ri Nakke.

YEHEZKIEL 36:26

Jari laKusare mako ati beru siagang pikkirang beru. Anjo atinnu terasa' kammaya batu laKusambei siagang ati mannuruki.

HOSEA 10:12

Kukana, ‘He Israel! Apparekko koko beru untu' kalennu, kiori siagang bine kaadelang, siagang akkatto mako barakka' naerang poleanga mattojeng-tojenna pangngainu mae ri Nakke. Nasaba', narapi'mi wattunnu untu' amboyA', Bataranu. LabattuA' untu' ampaturungangko bosi barakkakKu.’

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

MATIUS 13:20

Na anjo bine takkioroka ri butta jaia batu-batunna, iaminjo a'jari pangngebarang mae ri tau allangngerekami anjo kabaraka, na natarima memang silalonna siagang te'ne pa'mai'na.

MARKUS 4:4

Na ri wattunna napakioro', nia' bine tu'guru' ri aganga. Nampa battu jangang-janganga angkanrei sa'genna la'busu'.

MARKUS 4:6

mingka wattunna nai'mo alloa pakkaramulami kalumeng, sa'genna kalotoro' nampa mate, lanri tena nabella antama' aka'na ri buttaya.

LUKAS 8:13

Anjo bine takkioroka ri tampa' a'batu-batua, iaminjo pangngebaranna tau sannanga nyawana ri wattu nalangngere'na anjo kabaraka; mingka tena najarre' anna'gala' aka'na anjo kabaraka lalang ri atinna ke'nanga. Sinampe'ji tappa' ke'nanga; punna battumo paccobaya, ammono'bokomi ke'nanga.

LUKAS 8:6

Nia' todong takkioro' ri butta jaia batu-batunna. Mingka ri wattunna accu'la', linta'mi kalumeng, lanri kalotoroki buttana.