MARKUS 4:41 - KITTA' MATANGKASA'

⁴¹ Sanna'mi malla'na ke'nanga. Na sipa'bicaramo massing para ia ke'nanga angkana, “Inai sitojenna anne taua? Kamanna anginga siagang bombanga amminawang turu' ngaseng ri kananNa.”

MARKUS 4:41 ပူးပေါင်းရင်းမြစ်များ

AYUB 38:11

Kukana ri ia, ‘Iaminne pa'baeng-baenna. Teako lalloi! Anrinni musti ammantang sikamma bombang lomponu.’

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

MALEAKHI 2:5

Lalang ri anjo parjanjianga Kupa'janjiangi mae ri ke'nanga katallassang amanga siagang salewanganga, siagang Kusuroi ke'nanga ampakalompoA'. Anjo wattua memang napakalompoA' ke'nanga siagang mallaki ri Nakke.

MATIUS 14:32

Nampa nai'mi sipa'rua ri biseanga. Na'jari sannang tommo anginga.

MATIUS 8:27

Lannasa' ngasemmi ana' gurunNa Isa. Nakanamo ke'nanga, “Tau apamo anne kutaeng? Kamanna anginga siagang bombanga amminawang turu' todong ri parentaNa!”

MARKUS 4:40

Nampa Nakana Isa ri ana'-ana' gurunNa, “Angngapa numalla'? Angngapa natena nutappa' ri Nakke?”

MARKUS 5:1

Na battunamo Isa siagang ana'-ana' gurunNa ri ba'leanna Tamparang Galilea, ri daera Gerasa.

MARKUS 5:33

Anjo bainea, naassennamo apa kajarianga ri kalenna, a'jari malla'mi siagang annekkere'mi. Su'ju'mi ri dallekanNa Isa na namangakui ngaseng apa nagaukanga.

MARKUS 7:37

Nalannasa' ngasemmo taua allangngereki. Nakana ke'nanga, “Napa'jari baji' ngasemmi tau garringa! Ba'lalo Napa'jarimi allangngere' tau tongoloka, siagang a'bicara tau pepea!”

LUKAS 4:36

Lannasa' ngasemmi taua, siagang massing nakanamo ke'nanga para ia, “Teai sipato' kana-kananNa anne taua. Lanri koasa siagang pangaru kana-kananNa na Nasuro assulu' setanga, nassulu' tojeng setanga!”

LUKAS 8:25

Nampa Nakanamo Isa mae ri ana'-ana' gurunNa, “Angngapa natena ngaseng nutappa' ri Nakke?” Lannasa'mi siagang malla'mi ana'-ana' gurunNa Isa. Na massing angkanamo para ia ke'nanga, “Inai sitojenna anne taua sa'genna manna anginga siagang bombanga Naparenta ngaseng, nanituruki parentaNa?”

IBRANI 12:28

Lanri kammana, paralluki' appala' sukkuru' mae ri Allata'ala, lanri nitarimana battu ri Allata'ala, kakaraengang tenaya nakkulle ta'goccang. Paralluki' appala' sukkuru' siagang mappakala'biri' anynyomba mae ri Ia siagang malla', situru' cara Nakaerokia KalenNa Allata'ala.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

1 SAMUEL 12:24

Pakala'biriki Batara, siagang anynyombako mae ri Ia siagang teako amminrai lalang sikontu atinnu. U'rangi sikamma panggaukang malompoNa, ia le'baka Nagaukang mae ri kau.