MARKUS 4:4 - KITTA' MATANGKASA'

⁴ Na ri wattunna napakioro', nia' bine tu'guru' ri aganga. Nampa battu jangang-janganga angkanrei sa'genna la'busu'.

MARKUS 4:4 ပူးပေါင်းရင်းမြစ်များ

PA'JARIANG 15:11

Battumi jangang-jangang angnganrea dageng andongkoki anjo dagenga, mingka nibongkai ri Abram.

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

MATIUS 13:4

Lalang napakioro'na anjo binea, nia'mo takkioro' ri aganga. Apaji nabattumo jangang-janganga angkanrei anjo binea sa'genna cappu'.

MARKUS 4:15

Anjo bine tu'guruka ri aganga, iaminjo pangngebaranna tau allangngerekai kabaraka ri passala'na antekamma batena ammarenta Allata'ala, mingka tanapahangai. Mingka kamma nalangngere'na ke'nanga battumi Billisika angngallei anjo apa le'baka nipakioro' lalang ri atinna ke'nanga.

MARKUS 4:3

“Pilangngeri! Nia' sitau pakoko a'lampa appakioro' bine.

MARKUS 4:5

Nia' todong tu'guru' ri butta jaia batu-batunna. Lanri kuranna buttana linta'mi attimbo anjo binea;

LUKAS 8:12

Anjo bine takkioroka ri aganga, iaminjo pangngebaranna tau allangngerekai anjo kananNa Allata'ala; mingka battui Billisika angngallei anjo kabaraka battu lalang ri atinna ke'nanga, sollanna tena natappa' siagang tena nanipasalama' ke'nanga.

LUKAS 8:5

“Nia' sitau pamarri mange appakioro' bine. Ri wattunna appakioro', nia' bine takkioro' ri aganga. Jari nia'mo sitangnga nionjokang ri taua, na nia' sitangnga nikanre ri jangang-janganga.