MARKUS 4:12 - KITTA' MATANGKASA'

¹² sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

MARKUS 4:12 ပူးပေါင်းရင်းမြစ်များ

YESAYA 43:8

Nakana Allata'ala, “Suroi maju mae ri dallekang bansaKu butaya, manna pole nania'ja matanna; ia tongoloka, manna pole nania'ja tolinna.

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YEREMIA 36:3

Gassingka lammariji tu Yehuda a'gau' ja'dala' punna nalangngere' ke'nanga passala'na sikontu bala laKupabattua mae ri ke'nanga. Jari akkullei laKupammopporang dosana siagang kaja'dallanna ke'nanga.”

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

MARKUS 8:18

Nia' ngaseng matannu, angngapa natena nuccini'? Nia' tolinnu, angngapa natena nullangngere'? Tenamo nuu'rangi

LUKAS 8:10

Appialimi Isa Nakana, “Ikau ngaseng nisare mako pangngassengang untu' angngassengi rahasia battua ri Allata'ala siagang PamarentahanNa. Mingka tau maraenga parallui niajara' siagang pangngebarang, sollanna accini' ke'nanga, mingka tanaassengai apa kajarianga; sollanna appilangngeri ke'nanga mingka takkulleai napahang.”

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

IBRANI 6:6

Mingka le'baki anjo, ammono'bokomi ke'nanga! Antekamma batena laniulu toba' poleang ke'nanga battu ri dosa-dosana? Nasaba' nasalli' poleammi ke'nanga Ana'Na Allata'ala nanihina-hina ri dallekanna tau jaia.