MARKUS 4:11 - KITTA' MATANGKASA'

¹¹ Nakanamo Isa ri ke'nanga, “Le'ba' mako nisare pangngassengang sollanna nuasseng rahasiana angkanaya antekamma batena ammarenta Allata'ala. Mingka tau maraenga ammakepi pangngebarang punna niajara' ke'nanga,

MARKUS 4:11 ပူးပေါင်းရင်းမြစ်များ

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

LUKAS 8:10

Appialimi Isa Nakana, “Ikau ngaseng nisare mako pangngassengang untu' angngassengi rahasia battua ri Allata'ala siagang PamarentahanNa. Mingka tau maraenga parallui niajara' siagang pangngebarang, sollanna accini' ke'nanga, mingka tanaassengai apa kajarianga; sollanna appilangngeri ke'nanga mingka takkulleai napahang.”

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

1 TESALONIKA 4:12

Punna kamma ngaseng anjo batenu attallasa', tenamo nulatanjeng mae ri tau maraenga untu' katallassannu; siagang lanianggara' tommako ri tau tenayapa natappa' mae ri Almasi.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

1 TIMOTIUS 3:7

Musti tau nipau bajika arenna lalang ri tangnga-tangngana tau jaia; nasaba' punna tena nakamma, gassingka lanihinaji ri taua, sa'genna tu'guru' antama' ri kalo'bang natannanga Billisika.

EFESUS 1:9

Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

MATIUS 16:17

Nakanamo Isa, “Upa' sikaliko kau Simon ana'na Yona! Nasaba' teai rupataua ampauangko anne, mingka ManggeKu ri suruga.

MATIUS 13:16

Nakana pole Isa ri ana'-ana' gurunNa, “Ikau, teai sipato' upa'nu ngaseng. Nasaba' ikau accini' baji' ngaseng mako siagang allangngere' baji' ngaseng mako.

1 KORINTUS 4:7

Inaika ampa'jariko malompoangang na tau maraenga? Sai yangaseng-ngasenna sangnging apa-apa nutarimaji battu ri Allata'ala. Jari angngapa nanuero' ampattampo-tampoangi kalennu, sangkamma le'ba' angkana anjo apa-apa niaka ri kau teai apa-apa nutarima?

MARKUS 3:23

Jari Nakio'mi Isa anjo tau jaia, nampa Napaccaritang ke'nanga siapa are pangngebarang. Nakana Isa, “Antekamma lakkulle setanga ambongkai setanga?

MARKUS 4:2

Jaimi apa-apa Naajarrangi Isa ke'nanga. Ammakei pangngebarang Naajara'na ke'nanga. Na kammaminne Naajarrangi ke'nanga.

MARKUS 4:10

Ri wattunna Kale-kalenNa mami Isa, battumi ana'-ana' gurunNa siagang tau le'baka allangngerekai pangngajara'Na. Nasuro pakasingara'mi ke'nanga battuanna anjo pangngebaranga.